.jpg)
រដ្ឋមន្ត្រីការបរទេសអាមេរិកលោក Mike Pompeo។ AFP
ក្រុងវ៉ាស៊ីនតោន: រដ្ឋមន្ត្រីការបរទេសអាមេរិកលោក Mike Pompeo បានថ្លែងនៅក្នុងបទសម្ភាសន៍តាមទូរទស្សន៍រដ្ឋអាមេរិកមួយ បន្ទាប់ពីលោកត្រាំ បានថ្លែងអំពីលទ្ធភាពនៃជំនួបប្រជុំថា លោកប្រធានាធិបតីអាមេរិក ដូណាល់ ត្រាំ ទំនងជានឹងជួបមេដឹកនាំរុស្ស៊ីលោក វ្លាឌីមៀរ ពូទីន នៅក្នុងពេលអនាគតដ៏ខ្លីខាងមុខនេះ។
សេតវិមាន បានប្រកាសកាលពីថ្ងៃព្រហស្បតិ៍សប្តាហ៍មុនថា ទីប្រឹក្សាសន្តិសុខជាតិលោក John Bolton នឹងធ្វើដំណើរទៅកាន់ទីក្រុងមូ៉ស្គូនៅសប្តាហ៍នេះ ដើម្បីស្វែងយល់អំពីគំនិតនៃកិច្ចប្រជុំមួយនេះ។
លោក Pompeo បានប្រាប់ MSNBC ថា៖« ខ្ញុំដឹងផែនការរបស់ឯកអគ្គរដ្ឋទូតលោក Bolton ក្នុងការធ្វើដំណើរទៅកាន់ក្រុងម៉ូស្គូនៅថ្ងៃអាទិត្យ ឬ ថ្ងៃចន្ទនេះ។
លោក នឹងជួបជាមួយសមភាគីរបស់លោក ហើយខ្ញុំគិតថា លោក ប្រធានាធិបតី ត្រាំ ទំនងជានឹងជួបជាមួយសមភាគីរបស់លោកនាពេលអនាគតដ៏ខ្លីខាងមុខ បន្ទាប់ពីកិច្ចប្រជុំនោះ។
លោកPompeo ថ្លែងក្នុងបទសម្ភាសមួយកាលពីថ្ងៃសុក្រថា៖«ខ្ញុំមិនដឹងអំពីកាលវិភាគរបស់លោកប្រធានាធិបតីទេ»៕ NS
