The Phnom Penh Post Search

Search form

ត្រាំ បង្កើន​ការ​វាយ​ប្រហារ​លើការ​ស៊ើប​អង្កេត​អ៊ីមែល​ហ៊ីឡារី​

Content image - Phnom Penh Post
លោក James Comey អគ្គនាយក​ FBI ថ្លែង​ក្នុង​សភាអាមេរិក។ Afp

ត្រាំ បង្កើន​ការ​វាយ​ប្រហារ​លើការ​ស៊ើប​អង្កេត​អ៊ីមែល​ហ៊ីឡារី​

ក្រុងម៉ៃអាមីៈ លោក ​ដូណាល់​ ត្រាំ ពី​ថ្ងៃ​អាទិត្យ បាន​បង្កើនការ​វាយប្រហារ​របស់ខ្លួន​ប្រឆាំង​នឹង​លោក​ស្រី ហ៊ីឡារី គ្លីនតុន ដោយ កេង​ចំណេញ​ពីការ​សម្រេច​ចិត្ត​របស់​អគ្គ​នាយក​ FBI លោក James Comey ក្នុង​ការបើក​ការ​ស៊ើប​អង្កេត​ជាថ្មី​ លើ​អ៊ីមែល​របស់​លោក​ស្រីខណៈ​យុទ្ធនាការ​ឃោសនា​បោះ​ឆ្នោត​អាមេរិក​បាន​ឈាន ដល់​ដំណាក់​កាល​ចុង​ក្រោយ។

រយៈពេល ១០ ថ្ងៃ មុន​ពេល​ប្រទេស​នេះទៅ​បោះឆ្នោត​ជ្រើស​ រើស​អតីត​រដ្ឋ​មន្ត្រី​ការបរទេស ឬ មហា​សេដ្ឋី​បក្ស​សាធារណរដ្ឋ​វោហា​របំភ្លៃ​ កំពូល​ប៉ូលិស​អាមេរិក លោក James Comey បានធ្វើ​ឲ្យ​ខ្លួនឯង​ស្ថិត​នៅចំ​កណ្តាល​នៃការ​ចាប់​អារម្មណ៍។

ទាំង​លោក​ស្រី គ្លីនតុន និង​គូប្រជែង​បក្ស​សាធារណរដ្ឋ​ លោក​ដូណាល់ ត្រាំ បាន​បង្កើ​តសម្ពាធ ​លើ​លោក Comey ដើម្បី​បើក​ចំហ​ពី​បំណង​របស់​ខ្លួន​ និង​បញ្ចប់​ ការ​​ប៉ាន់ស្មាន​ មុនពេល​ថ្ងៃ​បោះ ឆ្នោត​ថ្ងៃទី ៨ វិច្ឆិកា។

អគ្គ​នាយក​ FBI រូបនោះ បាន​សរសេរ​ទៅកាន់​ក្រុម​អ្នក​ធ្វើច្បាប់​ពីថ្ងៃ​សុក្រ​ ដោយ​ប្រកាស​ថា​ ក្រុម​ភ្នាក់ងារ​របស់​លោក​កំពុង​ស៊ើប​អង្កេត​អ៊ីមែល​ដែល​ទើប​នឹងរក​ឃើញថ្មី​ ដោយ​ធ្វើការ​ស៊ើប​អង្កេត​ជាថ្មី​ ដែល​ក្រុម​ឃោសនា​លោក​ស្រី​គ្លីនតុន​បាន​គិតថា ចប់​សព្វ គ្រប់តាំង​ពីខែ​កក្កដា​នោះ។

ដោយ​ឃោសនា​ក្នុង​រដ្ឋ​ខូឡូ​រ៉ាដូ ភាគ​ខាង​លិច ដែល​មាន​ទំនោរ​ទៅលោក​ស្រី គ្លីនតុន​ លោក​ត្រាំ បានជេរ​ប្រទេច​អ្វីដែល​លោក​បាន ហៅ​ថា ការ​ប្រ​ព្រឹត្តព្រហ្ម​ទណ្ឌ​និងខុស​ច្បាប់​របស់គូ​ប្រជែង​លោក​ដើម្បី​ស្រែក​ព្រមៗគ្នា​ថា «ដាក់ គុក​នាង!»។

នៅក្នុង​ការ​ឃោសនា​បន្ទាប់​ក្នុង ​ក្រុង Phoenix រដ្ឋ Arizona លោ​កត្រាំ វ័យ ៧០ ឆ្នាំ បាន​ថ្លែងថា៖ «នេះគឺ​ជា​រឿង​អាស្រូវ​នយោបាយ​ធំបំផុត​ ចាប់​តាំង​ពីមាន​រឿង​អាស្រូវ Watergate ហើយ​វា​គឺជា​ក្តីសង្ឃឹម​ជ្រៅ​បំផុត​របស់​មនុស្ស គ្រប់​រូបដែល​ថា នៅទី​បំផុត​ យុត្តិធម៌​ នឹងត្រូវ​ផ្តល់​ជូន​យ៉ាង​ល្អស្អាត»។

ថ្វីបើ លោក​ស្រីគ្លីន​តុន នៅតែ ស្ថិត​លើផ្លូវ​ទៅកាន់​ការ​បោះ​ឆ្នោត ក្រុម​ឃោសនា​លោកស្រី មានការ ខឹង​សម្បា ដែល​សន្ទុះ​ខ្លួន​ត្រូវបាន​ពន្យឺត​នៅពេល​ចុង​ក្រោយ។ នៅ​ចំពោះ​មុខក្រុម​​អ្នក​គាំទ្ររាប់​ ពាន់​នាក់​នៅរដ្ឋ​ផ្លរីដា លោក​ស្រី បាន​និយាយ​ថា វា​ចម្លែក​ណាស់ ដែល​ផ្តល់​ព័ត៌មាន​តូច​មួយ​ បែប​នោះ​នៅពេល​ការ​បោះឆ្នោត ជិត​ចូលមក​ដល់៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។