.jpg)
មេដឹកនាំកូរ៉េខាងជើងលោក គីម ជុងអ៊ុន (កណ្តាល) អបអរសាទរដល់ការបាញ់តេស្ដមីស៊ីលប្រភេទថ្មីកាលពីពេលថ្មីៗនេះ។ AFP
ក្រុងសេអ៊ូល៖ ទីប្រឹក្សាសេតវិមានជាន់ខ្ពស់ម្នាក់ បានបញ្ជាក់អំពីការប្តេជ្ញាចិត្តរបស់ប្រធានាធិបតីអាមេរិក លោក ដូណាល់ ត្រាំ ចំពោះការលុបបំបាត់កម្មវិធីអាវុធនុយក្លេអ៊ែរនៅឧបទ្វីបកូរ៉េ នៅអំឡុងពេលបង្ហាញ ផលប្រយោជន៍នៃការមាន «អ្នកជំនួញម្នាក់» ជាមេដឹកនាំអាមេរិក។
នៅក្នុងបទសម្ភាសមួយជាមួយសារព័ត៌មាន Fox News កាលពីថ្ងៃអាទិត្យ លោកស្រី Kellyanne Conway បានថ្លែងថា លោក ដូណាល់ ត្រាំ មានបំណងចង់ទាក់ទងជាមួយក្រុមមេដឹកនាំពិភពលោក និងជួលអ្នកការទូតដែលខ្វែងគំនិតគ្នាជាជាងក្រុមអ្នកនយោបាយផ្សេងទៀត ដែលលោកស្រីបានថ្លែងថា «បានព្រួយបារម្ភអំពីការបោះឆ្នោតនៅអាណត្តិក្រោយនោះ»។
ពាក្យសម្តីរបស់លោកស្រី បានកើត ឡើងនៅចំពេលមានការរិះគន់អំពីកិច្ចប្រជុំដោយបើកចំហរបស់ក្រុមមេដឹកនាំជនផ្តាច់ការនិយមនៅទូទាំងពិភពលោក ដូចជាមេដឹកនាំកូរ៉េខាងជើង លោក គីម ជុងអ៊ុន ជាដើម។ កាលពីពេលថ្មីៗនេះ លោក ដូណាល់ ត្រាំ បានបង្ហាញលទ្ធភាពរបស់លោកថា នឹងមានកិច្ចប្រជុំផ្សេងទៀតជាមួយលោក គីម ជុងអ៊ុន នៅឆ្នាំនេះ។
លោកស្រី Conway បានថ្លែងថា៖ «លោកស្រីជឿជាក់ ដូចដែលលោកស្រីបានថ្លែងជាច្រើនលើក ប្រសិនបើយើងអាចនាំយកសន្តិភាព និងការរីកចម្រើនការការពារសន្តិភាពនិងវិបុលភាពនៃប្រទេសរបស់យើង ប៉ុន្តែការដឹកនាំប្រទេសឲ្យទៅរកចំណុចក្តៅផ្សេងទៀតនៅជុំវិញពិភពលោក លោកស្រីមានបំណងចង់ធ្វើកិច្ចការអស់ទាំងនោះ»។
លោកស្រីបានបន្ថែមថា៖ «ប្រសិនបើអ្នកជាលោក ដូណាល់ ត្រាំ វិញ ថាតើហេតុអ្វីត្រូវបោះបង់ជីវិតដ៏អស្ចារ្យដែលលោកមានបែរងាកមកទទួលយកការទុក្ខសោកទៅវិញនោះ ជីវិតដ៏ជោគជ័យដែលលោក ត្រាំ មាននៅខាងក្រៅរដ្ឋាភិបាលអស់រយៈពេល ៧០ ឆ្នាំ ហើយប្រសិនបើអ្នកនឹងមិនទំនាក់ទំនង ប្រសិនបើអ្នកនឹងមិនធ្វើរឿងអ្វីមួយឲ្យមានការខ្វែងគំនិតគ្នា ប្រសិនបើអ្នកនឹងមិនព្យាយាមលុបបំបាត់កម្មវិធីអាវុធនុយក្លេអ៊ែរនៅឧបទ្វីបកូរ៉េ ប្រសិនបើអ្នកនឹងមិនព្យាយាមជួបជាមួយមនុស្សក្នុងសង្គមផ្សេងទៀត ដើម្បីធ្វើឲ្យកិច្ចព្រមព្រៀងទាំងនោះល្អប្រសើរ»។
លោកស្រី Conway បានថ្លែងថា លោក ត្រាំ មិនមែនជាប្រធានាធិបតីម្នាក់ដែលនឹងបន្តការទទួលបាននយោបាយរយៈពេលខ្លី នៅក្នុងគោលនយោបាយការបរទេសនោះទេ។
លោកស្រីបានថ្លែងថា៖ «ខ្ញុំគិតថា លោកជាប្រធានាធិបតីដ៏ស័កិ្តសមម្នាក់ នឹងមានកិច្ចព្រមព្រៀងសាមញ្ញមួយជាមួយប្រទេស ចិន និងធ្វើឲ្យលោកទទួលបានជោគជ័យនៅក្នុងការបោះឆ្នោតអាណត្តិក្រោយនេះ» «នោះមិនមែនជាមធ្យោបាយដែលលោកប្រធានាធិបតី ដូណាល់ ត្រាំ គិតចង់បាននោះទេ។ លោកពិតជាមានការអត់ធ្មត់»៕ Yonhap/SK
