ក្រុងបាងកកៈ ប្រជាជនថៃបានទៅកាន់សាលារៀន វត្តអារាម និងការិយាល័យរដ្ឋាភិបាលដើម្បីបោះឆ្នោតកាលពីថ្ងៃអាទិត្យ ជាការបោះឆ្នោតទូទៅលើកដំបូង ចាប់តាំងពី រដ្ឋប្រហារនៅក្នុងឆ្នាំ ២០១៤ ដោយចំនួនអ្នកចេញទៅបោះឆ្នោតច្រើនដែលត្រូវបានគេរំពឹងទុកនៅក្នុងចំណោមសាធារណជន ដែលបានទទួល ការអំពាវនាវពីព្រះមហាក្សត្រឲ្យគាំទ្រមេដឹកនាំល្អៗ ដើម្បីទប់ស្កាតភាពចលាចលមិនឲ្យកើតឡើង។
ស្ថានីយទូរទស្សន៍ទាំងអស់បានចាក់ផ្សាយសេចក្តីថ្លែងការណ៍ដ៏កម្ររបស់ព្រះមហាក្សត្រម៉ាហា វ៉ាជីរ៉ាឡុងកន នៅមុនការបោះឆ្នោតចាប់ផ្តើម។
ថៃ គឺជាប្រទេសរាជាធិបតេយ្យអាស្រ័យរដ្ឋធម្មនុញ្ញ និងបរមរាជវាំងតាមធម្មតាដោះស្រាយបញ្ហានយោបាយ។
ស្ថាប័ននេះរក្សាអំណាចសំខាន់ៗ និងត្រូវផ្តាច់ចេញពីការរិះគន់ដោយច្បាប់បរិហារកេរ្តិ៍ព្រះមហាក្សត្រ។
ការបោះឆ្នោតកាលពីថ្ងៃអាទិត្យ បានធ្វើឲ្យរបបសឹក និងក្រុមសម្ព័ន្ធមិត្តរបស់ខ្លួនប្រឆាំងនឹងយន្តការឈ្នះឆ្នោតរបស់អតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រា និងរលកនៃអ្នកបោះឆ្នោតដំបូងរាប់លាននាក់។
ព្រះរាជាណាចក្រនេះ នៅតែបែកបាក់ ថ្វីបើរបបសឹកដែលកំពុងកាន់អំណាចបានប្តេជ្ញាសង្គ្រោះប្រទេសនេះឲ្យរួចផុតពីការតវ៉ាដដែលៗរយៈពេល ១ ទសវត្សរ៍ និងរដ្ឋប្រហារជាច្រើនលើក។
ក្រុមអ្នកនយោបាយមកពីគ្រប់មជ្ឈដ្ឋានព្រួយបារម្ភខ្លាចជាប់គាំង នៅក្រោមច្បាប់បោះឆ្នោត ដែលសរសេរដោយរបបសឹក ដោយបានកំណត់ឱកាសជាច្រើនរបស់បក្សណាមួយដែលបានកើតឡើងដោយមានសំឡេងគាំទ្រភាគច្រើននៅក្នុងសភា។
អ្នកបោះឆ្នោត ៥១ លាននាក់ និងអ្នកបោះឆ្នោតលើកដំបូងជាង ៧ លាននាក់ ដែលមានអាយុពី ១៨ ឆ្នាំ ទៅ ២៥ ឆ្នាំ។
បុគ្គលិកក្រុមហ៊ុនធានារ៉ាប់រង ឈ្មោះ Pattrapong Waschiyapong នៅស្ថានីយបោះឆ្នោតមួយក្នុងបាងកក បាននិយាយថា៖ «ខ្ញុំចង់ឃើញប្រទេស ថៃ មានលក្ខណៈប្រជាធិបតេយ្យច្រើនជាងនេះនិងភាពមិនស្មើគ្នាត្រូវបានលុបបំបាត់ចេញពីសង្គម»។
សេចក្តីថ្លែងការណ៍របស់ព្រះបរមរាជវាំង ដែលត្រូវបានចេញនៅមុនបោះឆ្នោតនោះ បានបន្ថែមការចាប់អារម្មណ៍ទៅលើការបោះឆ្នោតមួយ ដែលគំរាមកំហែងធ្លាក់ចូលទៅក្នុងភាពចលាចល មុនសន្លឹកឆ្នោត ១ សន្លឹកត្រូវបានគេបោះនោះ។
សេចក្តីថ្លែងការណ៍នោះ បានលើកឡើងពីបន្ទូលរបស់អតីតព្រះមហាក្សត្រ ភូមិវិបុល អាប់ឌុលយ៉ាដេតពីឆ្នាំ ១៩៦៩ ដោយបានអំពាវនាវឲ្យប្រជាជនគាំទ្រមនុស្សក្នុងការគ្រប់គ្រងសង្គម និងមនុស្សមិនល្អ ដើម្បីទប់ស្កាត់ពួកគេមិនឲ្យ បង្កើតចលាចល៕ AFP/PSA