.jpg)
យ៉ាងហោចណាស់ទាហានឆ្មាំជាតិចំនួន ៧ ០០០ នាក់ នឹងបន្តដាក់ពង្រាយនៅក្នុងរដ្ឋធានីវ៉ាស៊ីនតោន រហូតដល់ពាក់កណ្ដាលខែមីនា នេះបើតាមសំដីរបស់លោកឧត្ដមសេនីយ៍ Daniel Hokansonប្រធានការិយាល័យកងឆ្មាំជាតិ។
កាលពីថ្ងៃសៅរ៍ ទី ១៦ ទាហានឆ្មាំជាតិយ៉ាងហោចណាស់ ២៥ ០០០ នាក់ មកពីទូទាំងប្រទេស ត្រូវបានដាក់ពង្រាយនៅវ៉ាស៊ីនតោន ដើម្បីធានាសុវត្ថិភាពពិធីចូលកាន់អំណាចរបស់ប្រធានាធិបតី Joe Biden ក្រោយពីក្រុមអ្នកគាំទ្រលោក Donald Trump ធ្វើកុបកម្មវាយសម្រុកចូលអគារសភា។
ក្រៅពីការរក្សាទាហានក្នុងរដ្ឋធានី លោកឧត្ដមសេនីយ៍ Hokanson ក៏បានបញ្ជាក់ផងដែរថាទាហានឆ្មាំជាតិតិចជាង ២០០ នាក់ ដែលបានផ្ដល់សន្តិសុខនៅថ្ងៃពិធីចូលកាន់អំណាច បានឆ្លងជំងឺកូវីដ ១៩ ជាអត្រាឆ្លងទាបជាង ១ ភាគរយ៕
