.jpg)
យុវជនស៊ីរីត្រួតមើលនេះ បន្ទាប់ការវាយប្រហារផ្លូវអាកាសនិងវាយប្រហារទៅលើខេត្តអ៊ីដលីបភាគពាយព្យ។ AFP
ក្រុងបេរូតៈ ក្រុមឃ្លាំមើលសិទ្ធិមនុស្ស មានមូលដ្ឋាននៅអង់គ្លេសបានថ្លែងថា ក្រុមជីហាដ និងសម្ព័ន្ធមិត្តឧទ្ទាម នៅក្នុងប្រទេសស៊ីរីភាគពាយព្យកាលពីថ្ងៃចន្ទ បានសម្លាប់យុទ្ធជនគាំទ្ររបបស៊ីរី យ៉ាងតិច ១២ នាក់ ដោយបានទប់ស្កាត់មិនឲ្យពួកគេការរុលទៅមុខតទៅទៀត។
ក្រុមឃ្លាំមើលសិទ្ធិមនុស្សស៊ីរីមានមូលដ្ឋាននៅអង់គ្លេសបានថ្លែងថា ក្រុមគាំទ្ររបបស៊ីរី ១៧ នាក់ផ្សេងទៀតបានរងរបួស ចំណែកខាងភាគីបានដឹកនាំដោយក្រុមជីហាដ ៦ នាក់ផ្សេងទៀតបានស្លាប់ នៅក្នុងការវាយប្រហារគ្នានៅទីនោះ។
ក្រុមឃ្លាំមើលសិទ្ធិមនុស្សបានថ្លែងថា កងកម្លាំងស្មោះត្រង់ជាមួយប្រធានាធិបតី បាសារ អាល់អាសាដ បានបើកការវាយប្រហារមួយ ជាមួយកាំភ្លើងធំ និងបាញ់សន្ធប់យ៉ាងខ្លាំងក្លា ទៅលើមូលដ្ឋានឈរជើងរបស់ក្រុមប្រឆាំងដ៏ធំចុងក្រោយនៅស៊ីរី។
ប៉ុន្តែសម្ព័ន្ធមិត្តក្រុមជីហាដហាយ៉ាដ តាហ៍រី អាល់-ស្សាម (HTS) បានដឹកនាំដោយអតីតក្រុមមេដឹកនាំ របស់អតីតអាល់-កៃដានៅស៊ីរី និងក្រុមសម្ព័ន្ធមិត្តរបស់ពួកគេ បានទប់ស្កាត់មិនឲ្យពួកគេរុលទៅមុខតទៅទៀត៕ SK
