កាលពីថ្ងៃពុធទី ២៨ មេសា ក្រុងហុងកុងបានអនុម័តច្បាប់អន្តោប្រវេសន៍ថ្មីមួយដែលរួមបញ្ចូលទាំងអំណាច ដើម្បីបញ្ឈប់ប្រជាជនចូល ឬចាកចេញពីទីក្រុងនេះ។
ច្បាប់នោះអនុញ្ញាតឱ្យប្រធានផ្នែកអន្តោប្រវេសន៍របស់ទីក្រុងរារាំងប្រជាជនមិនឱ្យឡើងជិះយន្តហោះធ្វើដំណើរទៅ និងមកពីទីក្រុងណាមួយ។ ច្បាប់នេះគឺមិនចាំបាច់មានដីកាពីតុលាការទេហើយក៏មិនមានបណ្តឹងឧទ្ធរណ៍ដែរ។
គណៈមេធាវីហុងកុង (HKBA) បាននិយាយកាលពីខែកុម្ភៈថា៖ «ប្រសិនបើច្បាប់ថ្មីរារាំងប្រជាជនហុងកុង និងអ្នកដទៃទៀតពីការចាកចេញពីតំបន់នេះ វាគួរតែតុលាការជាអ្នកសម្រេចមិនមែនប្រធានជាអ្នកសម្រេចចិត្តនៅពេលចាំបាច់ក្នុងការហាមឃាត់ការធ្វើដំណើរនោះទេ»។
លោកស្រី Chow Hang-tung មកពីសម្ព័ន្ធភាពប្រជាធិបតេយ្យហុងកុងបាននិយាយថា៖ «យើងបានឃើញការអនុវត្តរបស់ចិនក្នុងការបង្ក្រាបក្រុមអ្នកប្រឆាំង និងមេធាវីសិទ្ធិមនុស្សតាមរយៈការរឹតត្បិតលើការធ្វើដំណើររបស់ពួកគេនៅក្នុង និងក្រៅប្រទេស»៕