The Phnom Penh Post Search

Search form




Logo of Phnom Penh Post newspaper Phnom Penh Post - ទីប្រឹក្សា​សន្តិសុខ​ជាតិ៖ ​US សុខ​ចិត្ត​ជួយ​​កូរ៉េ​ខាង​ជើង ​ដើម្បី​បន្ត​ការ​ចរចា​ពី​បញ្ហា​នុយក្លេអ៊ែរ​ដែល​ជាប់​គាំង​




ទីប្រឹក្សា​សន្តិសុខ​ជាតិ៖ ​US សុខ​ចិត្ត​ជួយ​​កូរ៉េ​ខាង​ជើង ​ដើម្បី​បន្ត​ការ​ចរចា​ពី​បញ្ហា​នុយក្លេអ៊ែរ​ដែល​ជាប់​គាំង​

Content image - Phnom Penh Post
លោក​ប្រធានាធិបតី​​អាមេ​រិក ដូណាល់ ត្រាំ ​(ស្តាំ) និងមេដឹកនាំកូរ៉េ​ខាងជើង​ លោក គីម ជុងអ៊ុន​​​។ Yonhap

ទីប្រឹក្សា​សន្តិសុខ​ជាតិ៖ ​US សុខ​ចិត្ត​ជួយ​​កូរ៉េ​ខាង​ជើង ​ដើម្បី​បន្ត​ការ​ចរចា​ពី​បញ្ហា​នុយក្លេអ៊ែរ​ដែល​ជាប់​គាំង​

ក្រុង​សេអ៊ូល៖ ទីប្រឹក្សា​សន្តិសុខ​ជាតិ​អាមេរិក​លោក ​រ៉ូប៊ឺត ​អូប្រៀន​ ត្រូវ​បាន​ដក​ស្រង់​សម្តី​ដោយ​ថ្លែង​ថា​​ អាមេរិក​សុខ​ចិត្ត​​ជួយ​ប្រទេស ​កូរ៉េ​ខាង​ជើង ​តាម​មធ្យោបាយ​ផ្សេងៗ​ ដើម្បី​បន្ត​ការ​ចរចា​អំពី​បញ្ហា​នុយក្លេអ៊ែរ​ដែល​បាន​ជាប់​គាំង​នោះ​។ ​

លោក អូប្រៀន​ ក៏​បាន​បញ្ជាក់​នៅ​ក្នុង​បទ​សម្ភាស​មួយ​ជាមួយ​សារព័ត៌មាន​អនឡាញ​ Axios​ ដែល​បាន​បោះ​ពុម្ព​ផ្សាយ​កាល​ពី​ថ្ងៃ​អាទិត្យ​ថា ​លោក​ពិត​ជា​មាន​សុទិដ្ឋិ​និយម​អំពី​មធ្យោបាយ​ឆ្ពោះ​ទៅ​មុខ ​ខណៈ​ដែល​ប្រទេស ​កូរ៉េ​ខាង​ជើង ​មិន​ទាន់​បាន​ធ្វើ​ការ​គំរាម​កំហែង​របស់​ខ្លួន​ ដើម្បី​បង្ក​ហេតុ​ជា​កាដូ​ណូអែល​សម្រាប់​​អាមេរិក​នោះ​ទេ។

លោក ​អូប្រៀន ​ត្រូវ​ដក​ស្រង់​សម្តី​នៅ​ក្នុង​បទសម្ភាស​មួយ​ដែល​ត្រូវ​បាន​ធ្វើ​ឡើង​កាល​ពី​ថ្ងៃ​សុក្រ​​ដោយ​ថ្លែង​ថា៖ ​«​យើង​សុខ​ចិត្ត​ជួយ​ប្រជាជន​កូរ៉េ​ខាង​ជើង​ហើយ​អនុញ្ញាត​ឲ្យ​ពួក​គេ​ដឹង​ថា ​យើង​ចង់​បន្ត​ការ​ចរចា​នៅ​ក្រុង​ស្តុក​ហូម ​ដែល​ធ្លាប់​ត្រូវ​បាន​ធ្វើ​កាល​ពី​ដើម​ខែ​តុលា​ ឆ្នាំ ​២០១៩​»។ ​

លោក​បាន​ថ្លែង​ថា៖ «​យើង​បាន​អនុញ្ញាត​ឲ្យ​ពួក​គេ​ដឹង​តាម​បណ្តាញ​ផ្សេងៗ​ថា ​យើង​ចង់​ឲ្យ​ការ​ចរចា​ទាំង​អស់​នោះ​កើត​ឡើង​វិញ​ ហើយ​អនុវត្ត​ការ​សន្យា​របស់​លោក​ប្រធាន ​គីម ​ចំពោះ​ការ​លុប​បំបាត់​អាវុធ​នុយក្លេអ៊ែរ​ពី​ឧបទ្វីប​កូរ៉េ ​ដោយ​បាន​និយាយ​យោង​​ដល់​មេ​ដឹកនាំ​កូរ៉េ​ខាង​ជើង ​ដោយ​ងារ​របស់​លោក​ថា ​ប្រធាន​​នៃ​គណៈកម្មាការ​កិច្ចការ​រដ្ឋ​។

Content image - Phnom Penh Post
​​ប្រជ​ាជន​មើល​កា​រ​ប​ាញ់តេស្តមីស៊ីលរប​ស់កូរ៉​េខាងជើង​នា​ពេល​កន្លងទៅ។ AFP

មន្ត្រី​រូប​នោះ​ មិន​និយាយ​លម្អិត​អំពី​បណ្តាញ​​​ផ្សេងៗ​នោះ​ទេ​។

បទសម្ភាស​នោះ​ ត្រូវ​បាន​បោះពុម្ព​ផ្សាយ​មួយ​ថ្ងៃ​ក្រោយ​ពី​អតីត​អ្នក​ចរចា​នុយក្លេអ៊ែរ​កូរ៉េ​ខាង​ជើង​លោក ​Kim Kye-gwan ​​បាន​ថ្លែង​នៅ​ក្នុង​សេចក្តី​ថ្លែងការណ៍​មួយ​ថា ​​ប្រធានាធិបតី​អាមេរិក​ លោក​ ដូ​ណាល់ ត្រាំ​ បាន​ផ្ញើ​ជូន​មេ​ដឹកនាំ​កូរ៉េ​ខាង​ជើង​នូវ​លិខិត​ជូនពរ​ថ្ងៃ​ខួប​កំណើត​ ប៉ុន្តែ​ក្រុង​ព្យុងយ៉ាង​នឹង​មិន​ត្រឡប់​ទៅ​រក​តុ​ចរចា​ដោយសារ​តែ​ទំនាក់​ទំនង​ផ្ទាល់​រវាង​មេ​ដឹកនាំ​នៃ​ប្រទេស​ទាំង ​២ ​នេះ​ទេ​។ ​

លោក ​គីម​ ជុងអ៊ុន ក៏​បាន​ថ្លែង​ថា​ ការ​ចរចា​ពី​បញ្ហា​នុយក្លេអ៊ែរ​អាច​បន្ត​នៅ​ពេល​ណា​អាមេរិក​ទទួល​ការ​ទាមទារ​របស់​កូរ៉េ​ខាង​ជើង​ទាំង​ស្រុង​។

លោក​ទីប្រឹក្សា​សន្តិសុខ​ជាតិ​​ អូប្រៀន​​ បាន​ថ្លែង​ថា ​វា​គឺ​ជា​សញ្ញា​វិជ្ជមាន​មួយ​ដែល​កូរ៉េ​ខាង​ជើង​ មិន​ទាន់​ផ្ញើ​កាដូ​ណូអែល​នោះ​៕ Yonhap/PSA

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។