ក្រុងណាននីងៈ ក្រុមអាជ្ញាធរ បាននិយាយថា មនុស្ស១៧នាក់ ត្រូវបានគេអះអាងថាស្លាប់ ក្រោយពីទូកនាគពីរគ្រឿង ក្រឡាប់លិចកាលពីថ្ងៃសៅរ៍នៅតំបន់ស្វយ័ត Guangxi Zhuangនៃប្រទេសចិន។
ឧប្បត្តិហេតុនោះ បានកើតឡើងនៅម៉ោង១និង៣០នាទីរសៀល នៅពេលទូកនាគពីរគ្រឿង មានប្រវែង១៨ម៉ែត្រ ដែលទូកនីមួយៗ អាចដឹកមនុស្ស បាន៣០នាក់ បានក្រឡាប់នៅក្នុងអំឡុងពេលហ្វឹកហាត់អុំនៅទន្លេTaohuajiang ក្នុងក្រុង Guilin ជារដ្ឋធានីនៅក្នុងតំបន់។ មនុស្សប្រហែល៦០នាក់ បានធ្លាក់ចូលទៅក្នុងទឹក។
ទូក៨គ្រឿង និងមនុស្សជាង២០០នាក់ ត្រូវបានបញ្ជូនទៅជួយសង្រ្គោះក្រុមជនរងគ្រោះ ដែលការជួយសង្គ្រោះនោះ បានចប់នៅម៉ោងប្រហែល១០យប់។
ក្រុមអាជ្ញាធរនៅក្នុងក្រុង Guilin បាននិយាយថា អ្នកភូមិជាច្រើននៅក្នុងភូមិ Dunmu បានរៀបចំការហ្វឹកហាត់អុំ ដោយមិនបានជូនដំណឹងដល់ប៉ូលិសជាមុន។ អ្នករៀបចំពីរនាក់ ត្រូវបានឃាត់ខ្លួន៕ Xinhua/PSA