.jpg)
កាលពីថ្ងៃព្រហស្បតិ៍ ទី ១៨ កុម្ភៈនេះ ប្រជាជនមីយ៉ាន់ម៉ាបានផ្តុំគ្នាជិតសកលវិទ្យាល័យមួយក្នុងទីក្រុងទីក្រុងហាំហ្គោន ហើយបានធ្វើបាតុកម្មតវ៉ាទៅនឹងកងកម្លាំងយោធា។ ក្រោយពីមានការប្រមូលផ្តុំគ្នា ដើម្បីតវ៉ានឹងរដ្ឋាភិបាលដឹកនាំដោយយោធានៅមីយ៉ាន់ម៉ាបច្ចុប្បន្ន កងទាហ៊ានបានចាប់ខ្លួនមនុស្សប្រហែលជាប្រមាណ ៥០០ នាក់រួចមកហើយ។
ទោះបីជាយោធាបានអំពាវនាវឱ្យមន្រ្តីរាជការវិលត្រឡប់ចូលធ្វើការវិញ និងគំរាមប្រើសកម្មភាពណាមួយដើម្បីបង្រ្កាបការប្រមូលផ្តុំគ្នានេះក៏ដោយ ក្រុមបាតុករហាក់បីដូចជាមិនមានការអន់ថយនៅឡើយទេ។
កាលពីថ្ងៃទី១៧ កុម្ភៈយោធាមីយ៉ាន់ម៉ាបានប្រកាសថាមានតារាល្បីៗចំនួន ៦ នាក់ ដែលរួមមានអ្នកដឹកនាំរឿងតួសម្តែង និងអ្នកចំរៀងត្រូវបានចោទប្រកាន់ទាក់ទងនឹងការតវ៉ានេះ។ ការចោទប្រកាន់អ្នកទាំង ៦ នាក់នោះ គឺក្រោមច្បាប់ប្រឆាំងនឹងការញុះញង់ ដើម្បីលើកទឹកចិត្តដល់មន្រ្តីរាជការឱ្យចូលរួមបាតុកម្មជាជាងចូលបម្រើការងារធម្មតា។ ការចោទប្រកាន់នេះអាចដាក់ទោសឲ្យជាប់ពន្ធនាគាររយៈពេល ២ ឆ្នាំ៕
