The Phnom Penh Post Search

Search form




Logo of Phnom Penh Post newspaper Phnom Penh Post - ទោះបី ​US បណ្តេញ​ជន​ចំណាក​ស្រុក​ចេញ​​ក្តី​ ក៏​ពួក​​គេ​នៅ​តែ​ព្យាយាម​ឆ្លង ​​​​ព្រំដែន​ម៊ិកស៊ិក​ម្តង​ហើយ​ម្តង​ទៀត​




ទោះបី ​US បណ្តេញ​ជន​ចំណាក​ស្រុក​ចេញ​​ក្តី​ ក៏​ពួក​​គេ​នៅ​តែ​ព្យាយាម​ឆ្លង ​​​​ព្រំដែន​ម៊ិកស៊ិក​ម្តង​ហើយ​ម្តង​ទៀត​

Content image - Phnom Penh Post
ជន​ចំណាក​ស្រុក​​ព្យាយាម​ឆ្លងព្រំដែន​ម៊ិកស៊ិក​ នាពេលកន្លងមក។ រូបថត AFP

ទោះបី ​US បណ្តេញ​ជន​ចំណាក​ស្រុក​ចេញ​​ក្តី​ ក៏​ពួក​​គេ​នៅ​តែ​ព្យាយាម​ឆ្លង ​​​​ព្រំដែន​ម៊ិកស៊ិក​ម្តង​ហើយ​ម្តង​ទៀត​

ក្រុង​វ៉ាស៊ីនតោន៖ យោង​តាម​មន្ត្រី ​២ ​រូប ​​នៃ​​​ក្រសួង​សន្តិសុខ​​មាតុភូមិ​បាន​ឲ្យ​ដឹង​ថា​​ ការ​កើន​ឡើង​ការ​ចាប់​ខ្លួន​នៅ​​តាម​បណ្តោយ​ព្រំដែន​ម៊ិកស៊ិក​មួយ​ផ្នែក ត្រូវ​បាន​ជំរុញ​ដោយ​​​​ជន​ចំណាក​ស្រុក​​ដែល​កំពុង​កើន​ឡើង​បាន​ព្យាយាម​ចូល​ទឹក​អាមេរិក​ម្តង​ហើយ​ម្តង​ទៀត ខណៈ​​វិធានការ​​​ទប់ស្កាត់​​​ជំងឺ​រាតត្បាត​បាន​បណ្តេញ​អ្នក​ដែល​គេ​​ឃុំ​ខ្លួន​ភាគ​ច្រើន ​​មាន​ផល​ពិបាក​ពី​ការ​អនុញ្ញាត​ឲ្យ​ពួក​គេ​​​ព្យាយាម​ឆ្លង​​​ចូល ព្រំដែន​ដោយ​ខុស​ច្បាប់​​។

អង្គភាព​គយ ​និង​ការពារ​ព្រំដែន (CBP) ​បាន​និយាយ​កាល​ពី​សប្តាហ៍​មុន​ថា ​ទីភ្នាក់ងារ​នេះ​ បាន​កត់ត្រា​អ្នក​ជាប់​ឃុំ​ចំនួន ​៤០ ៧៤៦ ​នាក់​ នៅ​ក្នុង​ខែ​កក្កដា ​រហូត​ដល់ ​២៤ ​ភាគរយ ​ពី​ខែ​មិថុនា​ និង​តួលេខ​កើន​ឡើង​ទ្វេដង​កាល​​ពី​ខែ​មេសា​ នៅ​ពេល​ដែល​មនុស្ស ​១៧ ០៨៦ ​នាក់ ​ត្រូវ​បាន​គេ​ចាប់​ឃុំ​ឃាំង។ ​ចាប់​តាំង​ពី​អនុវត្ត​វិធានការ​គ្រាអាសន្ន​មក​មន្ត្រី ​CBP មិន​បាន​លាត​ត្រដាង​អត្រា​នៃ​ការ​ប្រព្រឹត្ត​ខុស​នៅ​តាម​ព្រំដែន​​ទេ​» ជា​ភាគរយ​នៃ​ការ​ឃុំ​ខ្លួន​ដែល​ពាក់ព័ន្ធ​នឹង​អ្នក​ឆ្លង​ព្រំដែន​ម្តង​ហើយ​ម្តង​ទៀត ​ប៉ុន្តែ​មន្ត្រី​អង្កេត​ប្រជាជន​ ​និង​​សុខភាព ​(DHS) បាន​និយាយ​ថា តួលេខ​នា​​ពេល​បច្ចុប្បន្ន​នេះ លើស​ពី ​៣០​ ភាគរយ​។

កាល​ពី​ចុង​ខែ​មីនា ​ខណៈ​វីរុស​ផ្លូវ​ដង្ហើម​កូរ៉ូណា ​បាន​ឆ្លង​រាលដាល ​រដ្ឋការ​របស់​លោក ​ដូណាល់ ត្រាំ​ បាន​ចាប់​ផ្តើម​អនុញ្ញាត​ឲ្យ​ភ្នាក់ងារ​ជា​ច្រើន​រៀបចំ​ឲ្យ​ជន​ចំណាក​ស្រុក​ និង​ដឹក​ពួក​គេ​ត្រឡប់​ទៅ​ម៊ិកស៊ិក​វិញ​ជំនួស​ឲ្យ​ការ​ចាប់​ពួក​គេ​ឃុំ​ខ្លួន​ឃុំឃាំង ​ជា​ទី​ដែល​អាច​ឆ្លង​វីរុស​កាន់​តែ​ច្រើន​ឡើង។ ​ជាង ​៩០ ​ភាគរយ​នៃ​អ្នក​ទាំង​អស់​ដែល​ត្រូវ​បាន​ចាប់​ខ្លួន​ដោយ CBP ត្រូវ​បណ្តេញ​ចេញ​ពី​ប្រទេស​ភ្លាមៗ​ ​នៅ​ក្រោម​វិធានការ​គ្រាអាសន្ន​ ក្នុង​នោះ​ មាន​អនីតិជន និង​អ្នក​ស្វែងរក​សិទ្ធិ​ជ្រកកោន។

កម្រិត​នៃ​ការ​ធ្វើ​ចំណាក​ស្រុក​បាន​ធ្លាក់​ចុះ​យ៉ាង​ខ្លាំង​នៅ​ក្នុង​ខែ​មេសា ​ក្រោយ​ពី​វិធានការ​នានា​ត្រូវ​បាន​អនុវត្ត ​ប៉ុន្តែ​ការ​ឆ្លង​ព្រំដែន​បាន​កើន​ឡើង​តាំង​ពី​​ពេល​នោះ​មក​។

មន្ត្រី​អាមេរិក​រំពឹង​ថា ​និន្នាការ​នេះ​នឹង​នៅ​តែ​បន្ត​ ខណៈ​ស្ថានភាព​សេដ្ឋកិច្ច​ធ្លាក់​ចុះ​យ៉ាង​ខ្លាំង​នៅ​​ម៊ិកស៊ិក​ និង​អាមេរិក​កណ្តាល​ដោយសារ​ជំងឺ​​​រាតត្បាត​៕ W.Post/PSA

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។