.jpg)
ទឹកជំនន់បានវាយប្រហារតំបន់ជាច្រើននៅក្នុងប្រទេសកូរ៉េខាងជើង។ រូបថត AFP
ក្រុងសេអ៊ូល៖ ទ្វារទឹកទំនប់របស់កូរ៉េខាងជើងមួយ នៅជិតព្រំដែនជាមួយកូរ៉េខាងត្បូងនៅតែបើកជាអន្លើ ស្របពេលភ្លៀងធ្លាក់ខ្លាំងនៅទីនោះ នាយសេនាធិការយោធា (JCS) បានថ្លែងកាលពីថ្ងៃអង្គារថា នៅចំពេលមានការព្រួយបារម្ភអំពីការបើកទ្វារទឹកនោះ អាចបង្កការគំរាមកំហែងដល់តំបន់ទឹកធ្លាក់ខ្លះនៅកូរ៉េខាងត្បូង។
ប្រទេសកូរ៉េខាងជើង បានបើកទ្វារទឹកទំនប់ហាងហ្គាង ដាម ដែលជារឿងមួយ ដើម្បីឃ្លាំមើលសកម្មភាពនានានៅក្នុងប្រទេសកូរ៉េខាងត្បូង ចាប់តាំងពីបានបើកទ្វារទឹកភ្លាមៗកាលពីឆ្នាំ ២០០៩ បានធ្វើឲ្យកម្រិតទឹកទន្លេអ៊ីមជីនឡើងខ្ពស់ហូរខ្លាំង ហើយបានបង្កឲ្យអ្នកបោះជំរំ ៦ នាក់ស្លាប់ ដោយទឹកជំនន់នៅទីនោះ។
កូរ៉េខាងជើង ចាប់តាំងពីពេលនោះមកបានយល់ព្រមជូនដំណឹងដល់កូរ៉េខាងត្បូងជាមុន អំពីការបើកទ្វារទឹកនោះ ប៉ុន្តែកូរ៉េខាងជើងមិនដែលគោរពពាក្យសន្យាជាមួយកូរ៉េខាងត្បូងនោះទេ។
អ្នកនាំពាក្យ JCS គឺលោក គីម ជុនរ៉ាក់ បានថ្លែងនៅក្នុងសន្និសីទសារព័ត៌មានជាប្រចាំថា៖ «ការវាយតម្លៃរបស់យើង គឺថា ទ្វារទឹកហាងហ្គាងដាម ត្រូវបានបើកជាអន្លើ ដោយសារភ្លៀងធ្លាក់ខ្លាំងនៅក្នុងតំបន់កូរ៉េខាងជើង»។
ប្រទេសកូរ៉េខាងជើង កាលពីពេលថ្មីៗនេះ បានរងការវាយប្រហារយ៉ាងខ្លាំង ដោយសារភ្លៀងធ្លាក់ជោកជាំនៅក្នុងតំបន់ជាច្រើន៕ Yonhap/SK
