កាលពីថ្ងៃ អាទិត្យ ទី ១០ មករា ធនាគារកណ្តាលប្រទេសនូវែលសេឡង់ បានរាយការណ៍ថា មានការវាយប្រហារតាមប្រព័ន្ធអ៊ីនធឺណិតចូលទៅក្នុងប្រព័ន្ធផ្ទៃក្នុងធនាគារ។ ការវាយលុកចូលទៅក្នុងប្រព័ន្ធផ្ទៃក្នុងនេះមានទិន្នន័យមួយចំនួនត្រូវបានចូលមើល។
ការវាយឡុកទៅក្នុងប្រព័ន្ធនេះពុំមានទាន់ដឹងពីចំនួនទិន្នន័យ ពេលវេលា និងអ្នកដែលនៅពីក្រោយនៃការវាយលុកនេះនៅឡើយទេ។
អភិបាលក្រុងនៃ Reserve Bank of New Zealand លោក Adrian Orr បាននិយាយនៅក្នុងសេចក្តីថ្លែងការណ៍មួយថា៖ «យើងកំពុងធ្វើការយ៉ាងជិតស្និទ្ធជាមួយអ្នកជំនាញខាងសន្តិសុខតាមអុីនធឺណិតក្នុងស្រុក និងអន្តរជាតិ និងអាជ្ញាធរពាក់ព័ន្ធដទៃទៀតដែលជាផ្នែកមួយនៃការស៊ើបអង្កេតរបស់យើង និងឆ្លើយតបចំពោះការវាយប្រហារនេះ» ។
នៅក្នុងរបាយការណ៍ចុងក្រោយរបស់ទីភ្នាក់ងារឆ្លើយតបបន្ទាន់ក្នុងកុំព្យូទ័រ (Computer Emergency Response Team) បានបង្ហាញថា ការវាយប្រហារតាមប្រព័ន្ធអ៊ីនធឺណេតនៅក្នុងប្រទេសនូវែលសេឡង់ បានកើនឡើង ៣៣ ភាគរយពីមួយឆ្នាំទៅមួយឆ្នាំ៕