.jpg)
ក្រុងបេរូត៖ ធនាគារពិភពលោកកាលពីថ្ងៃពុធ បានស្នើឲ្យប្រទេស លីបង់ ដែលរងការវាយប្រហារដោយការតវ៉ា ឲ្យបង្កើតរដ្ឋាភិបាលថ្មីមួយឲ្យបានឆាប់ ដោយព្រមានថា សេដ្ឋកិច្ចធ្លាក់ចុះអាចនឹងធ្វើឲ្យមានភាពក្រីក្រ និងការអត់ការងារធ្វើកាន់តែអាក្រក់ខ្លាំងឡើង។
ក្រុមនិស្សិតបានធ្វើពហិការមិនចូលរៀននៅពេលថ្ងៃ ហើយការធ្វើបាតុកម្មប្រឆាំងរដ្ឋាភិបាលបានបន្តរហូតដល់ពេលល្ងាច។
ចាប់តាំងពីថ្ងៃទី ១៧ ខែតុលា ចលនាតវ៉ាដែលមិនធ្លាប់មានពីមុន បានយកគោលដៅទៅលើក្រុមអ្នកនយោបាយមួយក្រុមបានចាត់ទុកថាអសមត្ថភាព និងប្រព្រឹត្តអំពើពុករលួយ។ ការធ្វើបាតុកម្មបានបន្តធ្វើឡើង ទោះបីជាមានការលាលែងពីតំណែងរបស់រដ្ឋាភិបាលកាលពីសប្តាហ៍មុនក្តី។
គណៈរដ្ឋមន្ត្រីជិតចប់អាណត្តិ កំពុងធ្វើការងារនៅក្នុងតួនាទីបណ្តោះអាសន្ន ខណៈក្រុមមេដឹកនាំបានពិភាក្សាគ្នាអំពីការបង្កើតរដ្ឋាភិបាលថ្មីនៅពេលខាងមុខ ក្រុមប្រទេសពន្យារផ្តល់ជំនួយបានថ្លែងថា ប្រទេសជំពាក់បំណុលនេះ អសមត្ថភាព។
ធនាគារពិភពលោកបានព្រមានកាលពីថ្ងៃពុធថា៖ «ការបង្កើតរដ្ឋាភិបាលឲ្យបានឆាប់មួយដែលបានឆ្លើយតបទៅនឹងការរំពឹងទុកជាមុនរបស់ប្រជាជនលីបង់ទាំងមូល គឺជាវិធានការយ៉ាងលឿនបំផុត»។
ក្រុមតំណាងចេញពីម្ចាស់បំណុលសកលមានមូលដ្ឋាននៅក្រុងវ៉ាស៊ីនតោន កាលពីពេលថ្មីៗនេះ បានជួបជាមួយលោកប្រធានាធិបតី Michel Aoun ដែលបានប្តេជ្ញាចិត្តធ្វើកំណែទម្រង់ផ្សេងៗ ដើម្បីប្រយុទ្ធប្រឆាំងអំពើពុករលួយបន្ទាប់ពីមានការតវ៉ា។
ធនាគារពិភពលោកបានព្យាករកិច្ចសន្យាមួយដែលមានចំនួន ០,២ ភាគរយ នៅមុនចលាចលនៅក្នុងប្រទេស លីបង់ ប៉ុន្តែបានថ្លែងកាលពីថ្ងៃពុធថា បច្ចុប្បន្នខ្លួនបានសង្ឃឹមថា ការលាលែងពីតំណែងរបស់ប្រធានាធិបតីលីបង់ «គឺមានសារៈសំខាន់យ៉ាងខ្លាំង»។
នៅក្នុងសេចក្តីថ្លែងការណ៍មួយ ប្រទេសម្ចាស់បំណុលបានថ្លែងថា ដោយគ្មានវិធានការបន្ទាន់ ដើម្បីដោះស្រាយវិបត្តិមួយនេះទេ ប្រជាជនលីបង់ប្រហែលពាក់កណ្តាលអាចធ្លាក់ចូលទៅក្នុងភាពក្រីក្រ និងភាពអត់ការងារធ្វើអាច «កើនឡើងយ៉ាងឆាប់រហ័ស»៕ AFP/SK
