The Phnom Penh Post Search

Search form

នាយករដ្ឋមន្ត្រី​តួ​ក​គី​ ជំរុញ​ឲ្យ​រុស្ស៊ី និង អាមេរិក​បញ្ឈប់​ការ​ទាស់​គ្នា​ជុំវិញ​បញ្ហា​ស៊ីរី

Content image - Phnom Penh Post
លោកយីលឌីរីម ពេល​ថ្លែង​សុន្ទរកថាអំឡុងកិច្ចប្រជុំក្រុម​​សមាជិក​សភា​។ AFP

នាយករដ្ឋមន្ត្រី​តួ​ក​គី​ ជំរុញ​ឲ្យ​រុស្ស៊ី និង អាមេរិក​បញ្ឈប់​ការ​ទាស់​គ្នា​ជុំវិញ​បញ្ហា​ស៊ីរី

ក្រុងអ៊ីស្តង់ប៊ុល: កាលពី​ថ្ងៃ​ពុធ នាយករដ្ឋមន្ត្រី​តួកគី​លោក ប៊ីណាលី យីលឌីរីម បានជំរុញ​ឲ្យ​រុស្ស៊ី និង​សហរដ្ឋ​អាមេរិក​បញ្ចប់ «ការ​ឈ្លោះ​ទាស់​ទែង​គ្នា​ដូច​ក្មេង​ពាលា​អាវ៉ាសែ» របស់​ពួកគេ ជុំវិញ​បញ្ហា​នៅ​ស៊ីរី ដោយ​លោក​ថ្លែង​ថា វា​ដល់​ពេល​វេលា​ដែល​ត្រូវ​ទុក​ការ​ប្រកួត​ប្រជែង​ដែល​បាន​បង្ក​គ្រោះ​ថ្នាក់​ដល់​អាយុ​ជីវិត​របស់​ក្រុម​ជន​ស៊ីវិល​ស៊ីរី។

នៅក្នុង​សុន្ទរកថា​មួយ​ផ្សព្វផ្សាយ​តាម​ទូរទស្សន៍​នៅក្នុង​ទីក្រុង​អ៊ីស្តង់ប៊ុល លោក​ប៊ីណា លីយីល​ឌីរីម បាន​ថ្លែង​ថា៖ «វា​ជា​ការ​ឈ្លោះ​គ្នា​ដូច​ក្រុម​ក្មេង​ពាល។ ពួកគេ​ឈ្លោះ​គ្នា​ដូច​ក្មេង​ពាល​នៅ​តាម​ផ្លូវ។ ប៉ុន្តែ ចុះ​អ្នក​ណា​ជា​អ្នក​សង​ការ​បង់​ខាត​ចំពោះ​ជម្លោះ​នេះ? អ្នក​បង់ខាត​ខ្លាំង​ជាង​គេ​គឺជា​ក្រុម​ជន​ស៊ីវិល​ឯនេះ​វិញ​ទេ»។

លោក​បាន​ថ្លែងថា៖ «ពេលនេះ មិនមែនជា​ពេល​ត្រូវ​ឈ្លោះ​ទាស់​ទែង​គ្នា​ទេ។ វា​គឺជា​ពេល​ត្រូវ​ព្យាបាល​ស្នាម​របួស​នៅ​ក្នុង​តំបន់ និង​ជា​ពេលវេលា​ដែល​យើង​ត្រូវ​រួប​រួម​គ្នា»។

សេចក្តីថ្លែងការណ៍​រប​ស់លោក​ធ្វើឡើង បន្ទាប់ពី​ប្រធានាធិបតី អាមេរិក លោក ដូ ណាល់ ត្រាំ បាន​ព្រមាន​រុស្ស៊ី​ជុំវិញ​បញ្ហា​នៃ​ការ​គាំទ្រ​របស់ ប្រទេស​នេះ​ចំពោះ​មេដឹក​នាំ​ស៊ីរី លោក បាសារ អាល់-អាសាដ ដោយ​បាន​លើក​ឡើង​ថា មីស៊ីល «នឹងត្រូវ​ប្រើប្រាស់​ក្នុង​ពេល​ឆាប់» ជា​ការ​សង​សឹក​ចំពោះ​ការ​វាយ​ប្រហារ​ដោយអាវុធ​គីមី​ដូច​ដែល​តាម​ការ​ចោទ​ប្រកាន់​នោះ។

លោក យី​ល​ឌី​រី​ម បាន​ថ្លែងថា នៅក្នុង​ស្ថានភាព​ពេលថ្មីៗ សមាជិក​អចិ​ន្រៃ្តយ៍​ទាំង ៥ របស់​ក្រុម​ប្រឹក្សា​សន្តិសុខ​របស់​អង្គការ​សហប្រជាជាតិ​រួម​ទាំង​រុស្ស៊ី​និង​សហរដ្ឋអាមេរិក ត្រូវ​មាន «ការ​ទទួល​ខុស​ត្រូវ» ចំពោះ​បញ្ហា​នេះ​ជាង​ប្រទេស​ដទៃ​ទៀត។

ដោយនិយាយ​យោង​ដល់​សេចក្តីថ្លែងការណ៍​នានា​របស់ លោក​ដូណាល់ ត្រាំ​លោក បាន​ថ្លែង​បន្ថែម​ថា៖ «ចុះ​ពួកគេ​កំពុង​ធ្វើ​អ្វី? តើ​ពួកគេ​កំពុង​ធ្វើការ​គំរាម​កំហែង​ដាក់​គ្នា​ទៅ វិញ​ទៅ​មក​ឬ?»

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។