The Phnom Penh Post Search

Search form

នាយករដ្ឋមន្ត្រី​ថៃ​ ទាត់​ចោល​សំណើ​សុំ​បង្កើត​រដ្ឋាភិបាល​ចម្រុះ

Content image - Phnom Penh Post
លោក Bhichai ថ្លែង​ពី​ការ​បង្កើត​រដ្ឋាភិបាល​ចម្រុះ និងកិច្ចការ​នយោបាយ​។​ BKP

នាយករដ្ឋមន្ត្រី​ថៃ​ ទាត់​ចោល​សំណើ​សុំ​បង្កើត​រដ្ឋាភិបាល​ចម្រុះ

ក្រុងបាងកក: កាល​ពី​ថ្ងៃ​ចន្ទ​នាយករដ្ឋមន្ត្រី​ថៃ​លោក​ប្រាយុធ ចានអូចា បាន​ធ្វើការ​បដិសេធ​សំណើ​មួយ​ពី​អតីត​មេដឹកនាំ​ប្រជាធិបតេយ្យ​មួយ ដែល​សុំ​ឲ្យ​គណបក្ស​នយោបាយ​ទាំងអស់​បង្កើត​សម្ព័ន្ធភាព​មួយ​ជាមួយ​របប​យោធា ដើម្បី​អាច​បង្កើត​រដ្ឋាភិបាល​ជាតិ​មួយ។

សេចក្តី​ស្នើ​នោះ ត្រូវបាន​ផ្តើម​ឡើង​ដោយ​លោក Bhichai Rattakul ដែល​បាន​ថ្លែង​ថា ការបង្កើត​រដ្ឋការ​ជាតិ គឺជា​មធ្យោបាយ​មួយ​ឆ្ពោះ​ទៅរក​ការផ្សះផ្សា​ជាតិ និង​ទទួល​ស្គាល់​ថាវា​នឹង​ជា​បញ្ហា​ចម្រូង​ចម្រាស​មួយ។

ស្ថិត​ក្រោម​សំណើ​នោះ គណបក្ស​ប្រជាធិបតេយ្យ (DP) ភឿ​ថៃ (PTP) និង​គណបក្ស​ភូមិ​ចៃថៃ (BTP) នឹង​រួមគ្នា​ជាមួយ​របប​យោធា​នៅ​ក្នុងការ​បង្កើត​ឡើង​នូវ​រដ្ឋាភិបាល​ចម្រុះ​មួយ។ លោក​បាន​ស្នើសុំ​ឲ្យ​ឧត្តមសេនីយ៍​ប្រាយុធ​ធ្វើ​ជាអ្នក​ផ្តួចផ្តើម​បើក​កិច្ចចរចា​ពី​ដំណើរ​នោះ។

ខណៈ​ត្រូវបាន​ចោទ​សួរ​អំពី​គំនិត​របស់​លោក Bhichai នោះ​លោក​នាយក​រដ្ឋមន្ត្រី​ប្រាយុធ​បាន​ថ្លែង​ថា វា​មិនមែន​ជា​ពេលវេលា​សមស្រប​សម្រាប់​បើក​កិច្ចចរចា​ពី​បញ្ហា​នេះ​នោះ​ទេ។

លោក Bhichai បាន​ថ្លែងថា​ស្ថានភាព​នយោបាយ កំពុង​តែ​មានការ​ប្រែប្រួល ហើយ​ការផ្សះផ្សា​ជាតិ​មាន​ឧបសគ្គ​ច្រើន​មិន​ងាយ​សម្រេច​បាន​ទេ ចាប់តាំង​ពី​អតីត​នាយករដ្ឋមន្ត្រី​លោកស្រី​យីងឡាក់ ស៊ីណាវ៉ាត្រា បាន ភៀស​ខ្លួន​ទៅ​ក្រៅ​ប្រទេស​កាល​ពី​ខែ​មុន។

អតីត​មេដឹកនាំ​បក្ស​ប្រជាធិបតេយ្យ បាន​ថ្លែង​ថា រដ្ឋាភិបាល​ស៊ីវិល​មួយ ដែល​បង្កើត​ក្រោម​ច្បាប់​រដ្ឋធម្មនុញ្ញ​ថ្មី ឬ ក្រោម​រដ្ឋាភិបាល​យោធា មិន​អាច​នាំមក​នូវ​ឯកភាព​ជាតិ ឬ អាច​ដោះស្រាយ​បញ្ហា​សេដ្ឋកិច្ច​បាន​នោះ​ទេ។

លោក Bhichai Rattakul បាន​និយាយ​ថា៖ «ខ្ញុំ​មិនទាន់​ប្រាកដ​នៅ​ឡើយ​ថា ពួកយើង​អាច​ទទួល​បានការ​យល់ព្រម​លើ​សំណើ​នោះ​ឬ​យ៉ាងណា?»៕

អត្ថបទគួរចាប់អារម្មណ៍

  • វីសិនហ្វាន់ លក់​ហ៊ុន ១០០ ភាគរយ​ទៅឲ្យ​ធនាគារ​កូរ៉េ​ខាង​ត្បូង

    ភ្នំពេញៈ គ្រឹះ​ស្ថាន​មីក្រូ​ហិរញ្ញវត្ថុ​វិសិន​ហ្វាន់​ (ខេមបូឌា) ត្រូវ​​បានក្រុម​ហ៊ុន​មេ​របស់​ខ្លួន​​សម្រេច​លក់​ភាគ​ហ៊ុន​​​ទាំង​ស្រុង​ទៅ​ឲ្យ​ធ​នា​គារ​ អ៊ូ​រី​ ដែល​មាន​មូល​ដ្ឋាន​នៅ​​ប្រទេស​កូរ៉េខាង​ត្បូង​​​ ក្នុងតម្លៃ​​មួយ​ដែល​មិនត្រូវ​បាន​បង្ហាញ​​ជា​សាធារណៈ។

  • រដ្ឋាភិបាល​ថា ​នឹង​ខាតបង់​ចំណូល​ពន្ធ $៣០ ​លាន

    ភ្នំពេញៈ រដ្ឋាភិបាល​កម្ពុជា​បាន​ប្រកាស​ដាក់​វិធានការ​ដើម្បី​ជួយ​ទប់ស្កាត់​ការកើនឡើង​តម្លៃ​ប្រេងសាំង ខណៈ​វិធានការ​នេះ​ត្រូវ​បាន​លោក​នាយក​រដ្ឋមន្ត្រី​អះអាង​ថា​នឹង​ធ្វើឲ្យ​រដ្ឋ​ខាតបង់​ចំណូល​ពន្ធ​ប្រមាណ​ ៣០ ​លាន​ដុល្លារ​ក្នុង​ ១ ​ឆ្នាំ​។

  • អង្គការ​នៅ​កូរ៉េ​ខាង​ត្បូង ​ផ្តល់​ពានរង្វាន់​សិទ្ធិមនុស្ស​ដល់​លោក កឹម សុខា

    ភ្នំពេញៈ លោក កឹម សុខា អតីត​ប្រធាន​គណបក្ស​សង្គ្រោះជាតិ​ដែល​កំពុង​ជាប់​ពន្ធនាគារ​ត្រពាំងផ្លុង ក្រោម​ការ​ចោទប្រកាន់​ដ៏ចម្រូងចម្រាស​ពី​បទ​ «​ក្បត់ជាតិ​» ត្រូវ​បាន​អង្គការ​សង្គម​ស៊ីវិល​គាំទ្រ​ផ្នែក​សិទ្ធិមនុស្ស

  • អគ្គិភ័យ​ឆេះ​ផ្ទះ​អស់​ ២០ ​ខ្នង​រីឯ ម្ចាស់​ផ្ទះ​បង្ក​ត្រូវ​​បាន​ហៅ​មក​សួរ

    ភ្នំពេញៈ ផ្ទះ​ឈើ​ប្រក់​ស័ង្កសី​ចំនួន​ ២០ ​ខ្នង​ដែល​មាន​មនុស្ស​រស់នៅ​ប្រមាណ​​ ៣៥ ​គ្រួសារ​ត្រូវ​បាន​អគ្គិភ័យ​ឆេះ​ខ្ទេច​កាលពី​ម៉ោង ៥ ព្រឹក​ម្សិលមិញ​នៅ​សង្កាត់​បឹងទំពុន​ ២ ខណ្ឌ​មានជ័យ រាជធានី​ភ្នំពេញ​តែ​គ្មាន​មនុស្ស​គ្រោះថ្នាក់​ទេ​ឯ​មូលហេតុ​សមត្ថកិច្ច​កំពុង​ស្រាវជ្រាវ​ដោយ​ហៅ​ម្ចាស់​ផ្ទះ​បង្ក​មក​សួរ ខណៈ​អ្នក​ជិត​ខាង​មិន​សុខ​ចិត្ត​នឹង​ម្ចាស់​ផ្ទះ​ដើមហេតុ​។