.jpg)
នាយករដ្ឋមន្រ្តីអង់គ្លេសលោក Boris Johnson គ្រោងនឹងអំពាវនាវដល់មេដឹកនាំនៃប្រទេសដែលមានជាងគេបំផុតនៅលើពិភពលោកឱ្យរួបរួមគ្នាក្នុងបេសកកម្មដ៏ធំមួយដើម្បីទទួលបានវ៉ាក់សាំងការពារកូវីដ ១៩ និងការជាសះស្បើយពីជំងឺរាតត្បាតប្រកបដោយនិរន្តរភាព។
លោក Johnson គ្រោងនឹងធ្វើជាប្រធាននៃការប្រជុំតាមអ៊ីនធើណិតមួយជាមួយមេដឹកនាំប្រទេសឧស្សាហកម្មទាំង ៧ នៅថ្ងៃសុក្រ សប្ដាហ៍នេះដែលនេះជាព្រឹត្តិការណ៍ដំបូងដែលដឹកនាំដោយលោក Johnson ចាប់តាំងពីចក្រភពអង់គ្លេសបានកាន់តំណែងជាប្រធាន G-7 កាលពីខែមករា មក។
លោក Johnson បាននិយាយថា៖ «កិច្ចប្រជុំនេះ នឹងលើកឡើងពីបញ្ហាប្រឈមដែលយើងកំពុងជួបប្រទះចាប់ចេញពីបេសកកម្មដ៏ធំ ដើម្បីទទួលបានវ៉ាក់សាំងដល់គ្រប់ប្រទេសទាំងអស់ ដល់យុទ្ធនាការប្រយុទ្ធប្រឆាំងនឹងការខូចខាតដែលបានកើតឡើងចំពោះប្រព័ន្ធអេកូឡូស៊ីរបស់យើងនិងការដឹកនាំប្រទេសទៅរកភាពសះស្បើយប្រកបដោយនិរន្តរភាព។ ទាំងនេះ សុទ្ធតែត្រូវបានលើកឡើងក្នុងកិច្ចពិភាក្សាដែលយើងមានជាមួយមិត្តរបស់យើងនិង ដៃគូនៅជុំវិញពិភពលោកនានា»៕
