.jpg)
នាយករដ្ឋមន្ត្រីអ៊ីតាលីលោក Giuseppe Conte បានលាលែងពីតំណែងនៅថ្ងៃអង្គារទី ២៦ មករា ជាសកម្មភាពយុទ្ធសាស្ត្រមួយដែលមានគោលបំណងដើម្បីបង្កើនឱកាសរបស់លោកក្នុងការដឹកនាំរដ្ឋាភិបាលថ្មីមួយ។
កាលពីសប្ដាហ៍មុនលោក Conte បានឆ្លងកាត់ការបោះឆ្នោតទំនុកចិត្តនៅក្នុងសភាទាំង ២ ដោយជោគជ័យ បន្ទាប់ពីអតីតនាយករដ្ឋមន្ត្រីលោក Matteo Renzi បានបង្កឱ្យមានវិបត្តិនយោបាយតាមរយៈការដកគណបក្ស Italia Viva របស់លោកចេញពីសម្ព័ន្ធភាពកាន់អំណាច។
ទោះជាយ៉ាងណាការបោះឆ្នោតទំនុកចិត្តបានបន្សល់ទុកឱ្យលោក Conte បាត់បង់ការគាំទ្រមួយភាគតូច ហើយលោកក៏បរាជ័យក្នុងការពង្រឹងការគាំទ្ររបស់លោក។
ដោយមានសំឡេងភាគច្រើនខ្សោយលោក Conte ត្រូវបានគេរំពឹងថា នឹងចាញ់នៅក្នុងការបោះឆ្នោតព្រឹទ្ធសភាលើរបាយការណ៍តុលាការនៅថ្ងៃពុធ។ លោក Conte បានស្ថិតនៅក្រោម សម្ពាធ ពីគណបក្សសម្ព័ន្ធមិត្តធំៗ ២ ឱ្យលាលែងពីតំណែងមុនការបោះឆ្នោតនៅថ្ងៃពុធ ដើម្បីមានឱកាសកាន់តែប្រសើរក្នុងការទទួលបានបញ្ជាពីប្រធានាធិបតី Sergio Mattarella ដើម្បីបង្កើតរដ្ឋាភិបាលថ្មីដែលគាំទ្រដោយសម្ព័ន្ធមិត្តកាន់អំណាចធំជាងមុន៕
