កាលពីថ្ងៃអង្គារទី ១៦ កុម្ភៈ នាយករដ្ឋមន្រ្តីអូស្រ្តាលីលោក Scott Morrison បានសុំអភ័យទោសទៅស្រ្តីម្នាក់ដែលបានលើកឡើងថា ត្រូវបានគេរំលោភនៅក្នុងសភាកាលពី ២ ឆ្នាំមុន។
ស្ត្រីរូបបាននិយាយថា ខ្លួនបានគេរំលោភនៅក្នុងការិយាល័យរបស់រដ្ឋមន្រ្តីក្រសួងការពារជាតិបច្ចុប្បន្នគឺលោកស្រី Linda Reynolds នៅខែមីនា ឆ្នាំ ២០១៩។ បុគ្គលិកដែលត្រូវបានស្រ្តីនោះចោទប្រកាន់ជាបុគ្គលិកបម្រើការក្នុងគណបក្សលោក Morrison។ កាលពីថ្ងៃទី ១៥ លោកស្រី Linda Reynolds បានបញ្ជាក់ថា លោកស្រីបានទទួលដំណឹងនេះនៅក្នុងឆ្នាំ ២០១៩។
ស្រ្តីរូបនោះបាននិយាយថា លោកស្រីបានជ្រើសរើសមិនដាក់ពាក្យបណ្តឹងដោយសារតែការពារកេរ្តិ៍ឈ្មោះរបស់គណបក្ស និងដើម្បីរក្សាការងាររបស់អ្នកស្រី។ លោក Morrison បានធ្វើការសុំទោសស្ត្រីនោះហើយសន្យានឹងបើកការស៊ើបអង្កេតទៅលើករណីនេះ៕