កាលពីថ្ងៃព្រហស្បតិ៍នាវាចម្បាំងសហរដ្ឋអាមេរិកចំនួន ២ គ្រឿងបានបើកឆ្លងកាត់ច្រកសមុទ្រតៃវ៉ាន់បង្កឱ្យមានការខឹងសម្បាពីទីក្រុងប៉េកាំង ហើយថា អាមេរិកចង់បង្អួតយោធារបស់ខ្លួន និងមានចេតនាចង់បង្កើតសង្ក្រាម។
នេះគឺជាលើកទី ២ ហើយក្នុងខែធ្នូ ដែលអាមេរិកបានប្រើប្រាស់ផ្លូវទឹកតែមួយជាមួយចិន ខណៈចិនទើបប្រើប្រាស់ផ្លូវទឹកតែមួយនេះកាលពី ២ សប្ដាហ៍មុន។
ប្រទេសចិនដែលអះអាងថា កោះតៃវ៉ាន់ស្ថិតក្រោមការគ្រប់គ្រងខ្លួនតាមលក្ខណៈប្រជាធិបតេយ្យមានការខឹងសម្បាយ៉ាងខ្លាំង ចំពោះអាមេរិកដែលឈានជើងចូលមក គាំទ្រឱ្យមានឯករាជភាពរបស់កោះនេះ ដែលរួមមានទាំងការលក់អាវុធ និងនាវាចម្បាំងនានាតាមច្រកសមុទ្រតៃវ៉ាន់ ដែលកាន់តែធ្វើឱ្យទំនាក់ទំនងរវាងទីក្រុងប៉េកាំង និងវ៉ាស៊ីនតោនកាន់តែមិនចុះសម្រុងឡើង។
កងទ័ពជើងទឹកសហរដ្ឋអាមេរិកបាននិយាយថា នាវាពិឃាតមីស៊ីលឈ្មោះថា USS John S. McCain និង USS Curtis Wilbur បាន «ធ្វើដំណើរឆ្លងកោះតៃវ៉ាន់ដូចសព្វដងកាលពីថ្ងៃទី ៣១ ខែធ្នូ ស្របតាមច្បាប់អន្តរជាតិ»។
កងទ័ពជើងទឹកសហរដ្ឋអាមេរិកបានបន្តថា៖ «នាវាឆ្លងកាត់ច្រកសមុទ្រតៃវ៉ាន់បង្ហាញពីការប្តេជ្ញាចិត្តរបស់សហរដ្ឋអាមេរិកចំពោះប្រទេសឥណ្ឌូប៉ាស៊ីហ្វិក ដោយសេរី និងបើកចំហ។ យោធាសហរដ្ឋអាមេរិកនឹងបន្តហោះហើរឆ្លងកាត់ច្រកសមុទ្រ និងប្រតិបត្តិការនៅកន្លែងណាដែលច្បាប់អន្តរជាតិអនុញ្ញាត»។
គួរបញ្ជាក់ផងដែរថា កងទ័ពជើងទឹកសហរដ្ឋ អាមេរិកបានបើកនាវាឆ្លងកាត់ច្រកសមុទ្រតៃវ៉ាន់ចំនួន ១៣ លើកហើយរួមទាំងលើកនេះនៅក្នុងឆ្នាំ ២០២០។ នៅថ្ងៃទី ១៨ ខែធ្នូ នាវា USS Mustin (DDG-89) ក៏បានធ្វើដំណើរឆ្លងកាត់តៃវ៉ាន់ផងដែរហើយមិនយូរប៉ុន្មាន (ប្រហែល ២-៣ ថ្ងៃក្រោយ) នាវាដឹកយន្តហោះថ្មីរបស់ប្រទេសចិន គឺសានដុងបានធ្វើដំណើរឆ្លងកាត់ច្រកសមុទ្រក៏ដូចជាផ្លូវទៅកាន់សមុទ្រចិនខាងត្បូងទៀតផង។
ក្រសួងការពារជាតិចិនបានឱ្យដឹងថា ដំណើរទស្សនកិច្ចនេះថាជា «ការបង្កហេតុ» និងជា «បង្អួតកម្លាំងយោធា» ហើយបន្ថែមទៀតថា នាវា និងយន្តហោះចិនតែងតែតាមដាននាវាសហរដ្ឋអាមេរិក។
ក្រសួងបានបន្តថា៖ «បើកកប៉ាល់ឆ្លងកាត់ច្រកសមុទ្រនេះជាការផ្ដល់សារខុសទាំងស្រុងទៅអ្នកគាំទ្រឯករាជភាពកោះតៃវ៉ាន់ និងបង្កើតឱ្យមានការគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពរវាងកោះនេះ»។
ក្រសួងបានឱ្យដឹងទៀតថា៖ «កងទ័ពរំដោះប្រជាជនចិនត្រូវរក្សាកម្រិតប្រុងប្រយ័ត្នខ្ពស់គ្រប់ពេល ដើម្បីឆ្លើយតបរាល់ការគំរាមកំហែង និងការញុះញង់ពីអាមេរិក និងការពារអធិបតេយ្យភាពជាតិ និងបូរណភាពទឹកដីឱ្យបានម៉ឺងម៉ាត់បំផុត»។
ក្រសួងការពារជាតិតៃវ៉ាន់បាននិយាយថា កប៉ាល់ទាំងនោះបានធ្វើដំណើរតាមទិសដៅភាគខាងជើង តាមរយៈច្រកសមុទ្រដែលគេចាត់ទុកថាជា «បេសកកម្មធម្មតា»។ កម្លាំងប្រដាប់អាវុធរបស់កោះតៃវ៉ាន់ទទួលបន្ទុកឃ្លាំមើល នាវា ហើយស្ថានភាពក៏ «ធម្មតា» មិនមានអ្វីប្លែកឡើយ។
យោធាចិនបាននិយាយថាខ្លួនបានតាមនាវាចម្បាំងអាមេរិកឆ្លងកាត់ច្រកសមុទ្រតៃវ៉ាន់កាលពីថ្ងៃទី ១៩ ខែធ្នូ ហើយថា បេសកកម្មនេះជាសកម្មភាពខុសធ្ងន់ធ្ងរ។
មួយថ្ងៃបន្ទាប់ពីដំណើរទស្សនកិច្ចរបស់អាមេរិកមកកងនាវាចរ និងទ័ពអាកាសតៃវ៉ាន់ដែលដាក់ពង្រាយនៅតំបន់នោះត្រូវបានជំនួសដោយ ក្រុមនាវាដឹកយន្តហោះចិន ដឹកនាំដោយក្រុមហ៊ុនអាកាសចរណ៍ថ្មី ឈ្មោះថាសានដុងឱ្យនៅប្រចាំការតាមច្រកសមុទ្រតៃវ៉ាន់វិញ។
ប្រទេសចិនបាននិយាយថាក្រុមកងនាវាថ្មីនេះកំពុងធ្វើដំណើរទៅធ្វើសមយុទ្ធនៅក្នុងសមុទ្រចិនខាងត្បូងដែលមានជម្លោះជារឿយៗ៕