ឈូងសមុទ្រការឌីហ្គានៈ អាមេរិកកំពុងបណ្តុះបណ្តាលក្រុមសម្ព័ន្ធមិត្តឈូងសមុទ្រ ដើម្បី «ការពារនាវាចរណ៍» នៅក្នុងដែនទឹកដែលមានបញ្ហាប្រចាំតំបន់ ខណៈខ្លួនបានស្វះស្វែងបង្កើតសម្ព័ន្ធមិត្តមួយដើម្បីទប់ទល់ជាមួយប្រទេស អ៊ីរ៉ង់។
សមយុទ្ធដែនសមុទ្រអន្តរជាតិរបស់ក្រុងវ៉ាស៊ីនតោន (IMX) រយៈពេល ៣ សប្តាហ៍ ដែលបានចាប់ផ្តើមកាលពីថ្ងៃទី ២១ ខែតុលា បានកើតឡើងក្រោយពីនាវាពាណិជ្ជកម្មមួយចំនួន ត្រូវបានគេវាយប្រហារនៅក្នុងឈូងសមុទ្រចាប់ពីខែឧសភា បានបង្កឲ្យមានភាពតានតឹងកាន់តែខ្លាំងឡើងនៅក្នុងតំបន់។
ក្រុងវ៉ាស៊ីនតោន និងប្រទេសមហាអំណាចលោកខាងលិចផ្សេងទៀត បានស្តីបន្ទោសឧប្បត្តិហេតុនោះទៅលើអ៊ីរ៉ង់ ដែលបានបដិសេធថាមិនបានពាក់ព័ន្ធនៅក្នុងការវាយប្រហារណាមួយនោះទេ។
កាលពីថ្ងៃអង្គារ អាមេរិកបានអញ្ជើញប្រព័ន្ធផ្សព្វផ្សាយអន្តរជាតិ ដើម្បីឲ្យពិនិត្យមើលផ្នែកនៃសមយុទ្ធ IMX នោះ ជាសមយុទ្ធដែនសមុទ្រទ្រង់ទ្រាយធំបំផុតទី ២ របស់ខ្លួន៕ SK