ក្រុងគែរ៖ ក្នុងរយៈពេលជាង ២ សប្តាហ៍ និស្សិតជនជាតិអេហ្ស៊ីប គឺកញ្ញា យុមណា ហាស់ស្សាន បានរៀបចំដើម្បីបន្តធ្វើឲ្យភាសាចិនរបស់នាងបានល្អប្រសើរឡើងវិញ ដោយមិនចាំបាច់ចូលរៀននៅក្នុងថ្នាក់ជាប្រចាំនៅវិទ្យាស្ថានខុងជឺនៃសាកលវិទ្យាល័យស៊ីសកាណាល់ នៅក្នុងខេត្តអ៊ីសម៉ៃលៀ នៅប្រទេស អេហ្ស៊ីបភាគឦសាន។
និស្សិតអេហ្ស៊ីបម្នាក់នេះ បាននិយាយថា៖ «អ្វីគ្រប់យ៉ាងដែលនាងខ្ញុំត្រូវការ គឺទូរស័ព្ទដៃស្មាតហ្វូន ១ គ្រឿង ឡេបថប់ ១ គ្រឿង សៀវភៅមេរៀនរបស់យើង ប៊ិច ១ ដើម និងសៀវភៅសរសេរ ១ ក្បាល ដើម្បីចូលរួមសិក្សានៅវិទ្យាស្ថានខុងជឺតាមអនឡាញ ក្រោយពីមានការពន្យារពេលនៅតាមសាលាទាំងអស់នៅទូទាំងប្រទេស អេហ្ស៊ីប»។
ដើម្បីទប់ស្កាត់ការឆ្លងរីករាលដាលមេរោគផ្លូវដង្ហើមកូរ៉ូណាប្រភេទថ្មីចម្លែកមួយនេះ រដ្ឋាភិបាលប្រទេស អេហ្ស៊ីប ជាបណ្តោះអាសន្នបានពន្យារពេលឲ្យបិទសាលារៀន សាកលវិទ្យាល័យ និងគ្រប់សាលាទាំងអស់បានបិទជើងហោះហើរ និងសារមន្ទីរ និងកន្លែងបុរាណវិទ្យាមួយចំនួននៅទូទាំងប្រទេសនេះ។
ប្រទេស អេហ្ស៊ីប រហូតមកទល់ពេលនេះ បានរកឃើញករណីអ្នកឆ្លងជំងឺកូវីដ ១៩ នៅក្នុងតំបន់ និងក្រុមជនបរទេសចំនួន ៥៣៦ នាក់ នៅក្នុងនោះមានមនុស្ស ៣០ នាក់បានស្លាប់ និង ១១៦ នាក់ បានជាសះស្បើយ។
គណៈរដ្ឋមន្ត្រីប្រទេស អេហ្ស៊ីប កាលពីពេលថ្មីៗនេះ បានដាក់បម្រាមគោចរនៅផ្នែកខ្លះរយៈពេល ២ សប្តាហ៍ នៅទូទាំងប្រទេស អេហ្ស៊ីប ចាប់ពីពេលល្ងាចរហូតដល់ពេលព្រឹកថា ជាផ្នែកសំខាន់មួយនៃវិធានការបង្ការទុកជាមុននៅអេហ្ស៊ីប៕ Xinhua/SK