The Phnom Penh Post Search

Search form




Logo of Phnom Penh Post newspaper Phnom Penh Post - នូវែលសេឡង់ ​គ្រោង​ដក​ទ័ព​​ចេញ​ពី​​​អ៊ីរ៉ាក់​ឲ្យ​អស់​នៅ​ត្រឹម​ពាក់​កណ្តាល​ឆ្នាំ ​២០២០

នូវែលសេឡង់ ​គ្រោង​ដក​ទ័ព​​ចេញ​ពី​​​អ៊ីរ៉ាក់​ឲ្យ​អស់​នៅ​ត្រឹម​ពាក់​កណ្តាល​ឆ្នាំ ​២០២០

Content image - Phnom Penh Post
រូប​​របស់​លោកស្រី​នាយក​រដ្ឋមន្ត្រី​នូវែលសេឡង់​ Jacinda Ardern ត្រូវ​បាន​គេ​គូរ​ជាប់​ជញ្ជាំង​។ AFP

នូវែលសេឡង់ ​គ្រោង​ដក​ទ័ព​​ចេញ​ពី​​​អ៊ីរ៉ាក់​ឲ្យ​អស់​នៅ​ត្រឹម​ពាក់​កណ្តាល​ឆ្នាំ ​២០២០

ក្រុង​វែលីង​តោនៈ ​លោកស្រី​នាយក​រដ្ឋមន្ត្រី​ Jacinda ​Ardern ​បាន​ថ្លែង​កាល​ពី​ថ្ងៃ​ចន្ទ​ថា​ ប្រទេស ​នូវែលសេឡង់​ នឹង​ចាប់​ផ្តើម​ធ្វើ​ការ​កាត់​បន្ថយ​បេសកកម្ម​គ្មាន​ការ​ប្រយុទ្ធ​របស់​ខ្លួន​នៅ​ប្រទេស ​អ៊ីរ៉ាក់ ​នៅ​ខែ​ក្រោយ​ ហើយ​នាំ​យក​កង​កម្លាំង​ចុង​ក្រោយ​របស់​ខ្លួន​ត្រឡប់​ទៅ​ស្រុក​កំណើត​វិញ ​នៅ​ត្រឹម​ពាក់​កណ្តាល​ ឆ្នាំ​ ២០២០ ខាង​មុខ​។ ​

ក្រុង​វែលីងតោន ​បាន​ដាក់​ពង្រាយ​កង​កម្លាំង​ស្តីអំពី​បេសកកម្ម​បណ្តុះបណ្តាល ​«​ទាហាន​ត្រៀម​ប្រយុទ្ធ​» ​នៅ​ឆ្នាំ ​២០១៥​ ដើម្បី​បង្កើន​សមត្ថភាព​ក្រុម​កង​កម្លាំង​សន្តិសុខ​អ៊ីរ៉ាក់ ​(ISF) ​ដើម្បី​ប្រយុទ្ធ​ជាមួយ​ក្រុម​រដ្ឋ​អ៊ិស្លាម​។

លោកស្រី​​ Jacinda ​Ardern ​បាន​ថ្លែង​ថា​ ក្រុម​កង​កម្លាំង​តូចៗ​នោះ​ បច្ចុប្បន្ន​មាន ​៩៥ ​នាក់​ ដែល​បាន​កំពុង​ធ្វើ​ការ​ជា​មួយ​កង​ទ័ព​អូស្ត្រាលី​នៅ​មូលដ្ឋាន​យោធា​តាជី​នៅ​ក្រុង​បាដាដ​ភាគ​ខាង​ជើង​ បាន​បំពេញ​បេសកកម្ម​របស់​ពួក​គេ​ បាន​​យ៉ាង​ពេញ​លេញ​។​

លោក​ស្រី​ Jacinda ​Ardern ​បាន​ថ្លែង​ថា​៖ «​នៅ​ពេល​ទាហាន​ខ្លួន​មក​ប្រទេស ​អ៊ីរ៉ាក់ ​នោះ​ វា​ក៏​ដល់​ពេល​ត្រូវ​ត្រឡប់​ទៅ​វិញ​ដែរ​» ​ដោយ​លោកស្រី​​បាន​បន្ថែម​ថា ​កង​កម្លាំង​សន្តិសុខ​អ៊ីរ៉ាក់ ​ISF​ ត្រូវ​បាន​បណ្តុះបណ្តាល​នៅ​ក្នុង​មូលដ្ឋាន​នោះ។​

«​កង​កម្លាំង​ប្រទេស ​នូវែលសេឡង់ ​និង​ប្រទេស ​អូស្ត្រាលី ​នៅ​មូលដ្ឋាន​យោធា​តាជី​ បាន​ខំ​ប្រឹង​ធ្វើ​ការងារ​យ៉ាង​សកម្ម​ មិនមែន​គ្រាន់​តែ​ផ្តល់​ជូន​ការ​បណ្តុះបណ្តាល​ប៉ុណ្ណោះ​​ទេ​ ប៉ុន្តែ​បាន​ធានា​ផង​ដែរ​ថា ​កង​កម្លាំង​សន្តិសុខ​អ៊ីរ៉ាក់​ ISF ​ត្រូវ​បាន​ការពារ​ទីតាំង​បាន​យ៉ាង​ល្អ​ ដើម្បី​ធ្វើ​ការ​ប្តេជ្ញាចិត្ត​គ្រប់គ្រង​មូលដ្ឋាន​យោធា​តាជី​​នៅ​ថ្ងៃ​អនាគត បន្ត​ទៅ​ទៀត​»​។

លោកស្រី ​បាន​ថ្លែង​ថា ​កង​កម្លាំង​នូវែលសេឡង់​មួយ​ចំនួន​នៅ​មូលដ្ឋាន​តាជី​ នឹង​ធ្លាក់ចុះ​នៅ​ត្រឹម ​៧៥ ​នាក់​នៅ​ខែ​ក្រោយ​ បន្ទាប់​មក ៤៥ ​នាក់ ​នៅ​ខែ ​មករា​ ឆ្នាំ​ ២០២០​៕​ AFP/SK

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។