ក្រុងលីសបោន៖ នាយករដ្ឋមន្ត្រីអ៊ីស្រាអែល លោក បេនចាមីន នេតានីយ៉ាហ៊ូ បានជួបជាមួយរដ្ឋមន្ត្រីការបរទេសអាមេរិកលោក ម៉ៃក៍ ប៉ុមប៉េអូ នៅក្នុងប្រទេស ព័រទុយហ្គាល់ កាលពីថ្ងៃពុធ ហើយបានអំពាវនាវឲ្យបង្កើនការដាក់សម្ពាធទៅលើរដ្ឋាភិបាលអ៊ីរ៉ង់់ «ដែលជិតដួលរលំនេះ»។
លោក បេនចាមីន នេតានីយ៉ាហ៊ូ បានថ្លែងនៅក្នុងទីក្រុងលីសបោន ថា៖ «ខ្ញុំគិតថាយើងមានសំណាងល្អណាស់ដែលប្រធានាធិបតីលោក ដូណាល់ ត្រាំ បានដឹកនាំគោលនយោបាយមិនផ្លាស់ប្តូរអំពីការដាក់សម្ពាធប្រឆាំងអ៊ីរ៉ង់។ ការឈ្លានពានរបស់អ៊ីរ៉ង់កំពុងកើនឡើង ប៉ុន្តែឥទ្ធិពលរបស់ខ្លួនកំពុងដួលរលំហើយនោះ»។
លោកបានថ្លែងថា៖ «ខ្ញុំចង់និយាយថា សូមមេត្តាដាក់សម្ពាធលើប្រទេស អ៊ីរ៉ង់ ដែលជិតដួលរលំនេះ ឲ្យបានខ្លាំងក្លាបន្ថែមទៀត»។
លោក នេតានីយ៉ាហ៊ូ បានសង្កត់ធ្ងន់ថា ប្រទេស អ៊ីរ៉ង់ គឺជាប្រធានបទសំខាន់អំពីកិច្ចប្រជុំរបស់លោកជាមួយលោក ប៉ុមប៉េអូ ដោយបានបន្ថែមថា «ប្រធានបទទី២ គឺពិភាក្សាអំពីប្រទេស អ៊ីរ៉ង់ ហើយកិច្ចប្រជុំទី៣ និយាយអំពីអ៊ីរ៉ង់ដដែល»។
លោក ប៉ុមប៉េអូ បានថ្លែងនៅក្នុងគេហទំព័រធ្វីធើរថា ខ្លួនបាន «បង្កើតឲ្យមានកិច្ចប្រជុំ១»។
លោកបានបន្ថែមថា៖ «យើងបានពិភាក្សាអំពីកិច្ចខិតខំប្រឹងប្រែង ដើម្បីប្រឆាំងអំណាចជិតដួលរលំរបស់អ៊ីរ៉ង់នៅក្នុងតំបន់ ដែលជាកិច្ចសហប្រតិបត្តិការសេដ្ឋកិច្ចដ៏សំខាន់ ជាមួយក្រុមដៃគូក្នុងតំបន់ និងបញ្ហាផ្សេងៗទាក់ទងទៅនឹងសន្តិសុខរបស់អ៊ីស្រាអែល»។
បញ្ហាថាតើត្រូវបង្កើតឲ្យមានស្ថិរភាពនៅមជ្ឈិមបូព៌ាដោយរបៀបណា នៅពេល «មានការតវ៉ាប្រឆាំងអ៊ីរ៉ង់កំពុងកើតឡើងនៅទីក្រុងបាកដាដ និងនៅទីក្រុងបៃរូតនោះ»៕ AFP/SK