The Phnom Penh Post Search

Search form

Logo of Phnom Penh Post newspaper Phnom Penh Post - បក្ស​ប្រឆាំង វេណេស៊ុយអេឡា ប្រើ​បូជ្ជនីយកិច្ច​វីរភាព​ឃោសនា​​ឆ្នោត




បក្ស​ប្រឆាំង វេណេស៊ុយអេឡា ប្រើ​បូជ្ជនីយកិច្ច​វីរភាព​ឃោសនា​​ឆ្នោត

បក្ស​ប្រឆាំង វេណេស៊ុយអេឡា ប្រើ​បូជ្ជនីយកិច្ច​វីរភាព​ឃោសនា​​ឆ្នោត

130329_18c
លោក កាព្រីល ស្វាគមន៍អ្នកគាំទ្រក្នុងពេលជួបជុំនៅរដ្ឋទ្រូជីឡូ AFP

ក្រុងកាប៊ីម៉ាសៈ បេក្ខភាព​ប្រធា នាធិបតី​នៃ​គណបក្ស​ប្រឆាំង​របស់​ប្រទេស​វេណេស៊ុយអេឡា​ លោក ហិនរីក កាព្រីល បាន​ហៅ​យុទ្ធនាការ​ឃោសនា​របស់​លោក់​ប្រឆាំង​លោក​ប្រធានាធិបតី​ស្តីទី​ នីកូឡេះ ម៉ាឌូរ៉ូ​ថា​ជា​ការ​តស៊ូ​ខាង​ព្រ​លឹង​វិញ្ញាណ និង​ការ​ធ្វើ​បូជនីយកិច្ច​វីរភាព​អង់អាច» ប្រឆាំង​នឹង​ការ​រំលោភ​អំណាច​។​

ថ្វី​បើ ថានៈលោក​ចាញ់​ប្រៀប​ក្តី​ក៏​លោក​កាព្រីល​ បាន​ប្រាប់ AFP នៅ​ក្នុង​បទសម្ភាស​មួយ​នៅ​លើ​រថយន្ត​ក្រុង​ឃោសនា​​របស់​លោក​ថា ​លោក​មាន​គន្លឹះ​ក្នុង​ការ​យក​ឈ្នះ​ការ​បោះ​ឆ្នោត​ថ្ងៃ​ទី​១៤ ខែ​មេសា​ខាង​មុខ​ដើម្បី​ស្នង​តំណែង អតីត​ប្រធានាធិបតី លោក ហ៊ូហ្គោ ឆាវ៉េស ដែល​បាន​ស្លាប់​ដោយ​ជំងឺ មហារីក កាល​ពី​ថ្ងៃ​ទី​៥ ខែ​មីនា​។

ការ បោះឆ្នោត មាន​លាយឡំ​នឹង​សាសនា ដោយ​មេដឹកនាំ​បក្ស​ប្រឆាំង​ជា​រឿយៗ​បួងសួង​ដល់​ព្រះ​ ខណៈ​លោក​ម៉ាឌូរ៉ូ​បន្ថែម​សុន្ទរកថា របស់​ខ្លួន​ដោយ​យោង​ដល់​គ្រីស្ត​សាសនា និង​គោរព​សរសើរ​ដល់​លោក ឆាវ៉េស។​

ខណៈ​រថយន្ត​ឃោសនា​របស់​លោក​បាន​ឆ្ពោះ​ទៅ​ទី​ប្រជុំជន ម៉ារ៉ាកៃបូ នៃ​រដ្ឋ​ហ្សូលា ភាគ​ខាង​ជើង​ អភិបាល​រដ្ឋ​មីរ៉ានដា ​វ័យ​៤០​ឆ្នាំ​រូប​នេះ​និយាយ​ថា៖​ «ខ្ញុំ​គិត​ថា យើង​ត្រូវ​តែ​អំពាវ​នាវ​ដល់​​ជំនឿ​នៃ​ពលរដ្ឋ​វេណេស៊ុយអេឡា​»។

លោក​កាព្រីល បាន​និយាយ​ថា៖​«យើង​កំពុង​តែ​ប្រឈម​មុខ​នឹង​ការ​រំលោភ​​អំណាច​ ដែល​នាំ​ទៅ​រក​ការ​វាយ​ប្រហារ ការ​គំ​រាម​យក​ប្រាក់​ ការបំ​ភិតភ័យ​​ខ្លាច ការ​ប្រើ​ប្រាស់​ម៉ាស៊ីន​ផ្សព្វ​ផ្សាយ​រដ្ឋ​ទាំង​មូល​ដើម្បី​ បំភិត​បំភ័យ។ វា​បាន​ធ្វើ​ឲ្យ​ការ​បោះ ​ឆ្នោត​នេះ​ក្លាយ​ទៅជា​ការ​តស៊ូ​ខាង​ព្រលឹង​វិញ្ញាណ​មួយ»។

មេ​ដឹក​នាំ​ប្រឆាំង ​ដែល​ពណ៌នា​ពី​កិច្ច​ប្រឹង​ប្រែង​ប្រធានាធិបតី​របស់​ លោក​ថា​ជា​ការតស៊ូ​មួយ​រវាង​ និកាយ​អាក្រក់ និង​និកាយ​ល្អ បាន បញ្ចប់​ការ​ឃោសនា​មួយ​ថ្ងៃ​ហើយ កាល​ពី​ថ្ងៃ​អង្គារ ​ដោយ​សូត្រ​ធម៌​នៅ​ចំពោះ​មុខ​រូបថតព្រះ​ម៉ែ​ម៉ារីបរិ​សុទ្ធ​នៅ​វិហារ​ប៉ា ស៊ីលីកា នៃ​តំបន់ ម៉ារ៉ាកៃបូ។

នេះ​ គឺជា​ការ​បោះ​ឆ្នោត​ប្រធានាធិបតី​លើក​ទី​ពីរ​ក្នុង​រយៈ​ពេល​៦​ខែ​សម្រាប់​មេធាវី​វ័យ​ក្មេង​​រូបនេះ ដែល​​ត្រូវ​បាន​ក្រុម​ចម្រុះប្រឆាំង​ជ្រើស​រើស​ដោយ​ឲ្យ​ឈរ​ឈ្មោះ​ជា​ បេក្ខជន​បង្រួប​បង្រួម។

កាល​ពី​ខែ​តុលា លោក កាព្រីល បាន​ចាញ់​ឆ្នោត ​លោក​ឆាវ៉េស​ តែ​១១​ពិន្ទុ នៅ​ក្នុង​ការ​ឃោសនា​ដ៏​ជូរ​ចត់​ ប៉ុន្តែ​ទំហំ​៤៤​ភាគ​រយ​របស់​លោក​ គឺជា​ការ​បង្ហាញ​ដ៏​ល្អ​បំផុត​របស់​បក្ស​ប្រឆាំង​ក្នុង​ពេល​១៤​ឆ្នាំ​ ប្រឆាំង ​នឹង​មេដឹក​នាំ​ឆ្វេងង​និយម​។ ការ​ស្ទង់​មតិ​បង្ហាញ​​ថា លោកកា ព្រីល ​មាន​ប្រៀប​ជាង លោក ម៉ាឌូរ៉ូ ដែល​បន្ត​វេន​ពី​ឆាវ៉េស៕ CC

អត្ថបទគួរចាប់អារម្មណ៍