.jpg)
កាលពីថ្ងៃសុក្រទី ១៩ កុម្ភៈ បណ្តាប្រទេសមហាអំណាចមួយចំនួនបានសន្យាផ្តល់វិភាគទានក្នុងការចូលរួមទិញវ៉ាក់សាំងទៅប្រទេសដែលត្រូវការជំនួយ។
ក្នុងជំនួបតាមរយៈវីដេអូជាមួយមេដឹកនាំ G7 ប្រធានាធិបតីអាមេរិកលោកJoe Biden បានសន្យាថា អាមេរិកនឹងចូលរួមវិភាគទានចំនួន៤ពាន់លានដុល្លារអាមេរិកក្នុងការទិញវ៉ាក់សាំងកូវីដ ១៩ ជូនប្រទេសក្រីក្រ។
អធិការបតីអាល្លឺម៉ង់លោកស្រី Angela Merkel និងប្រធានគណៈកម្មការអឺរ៉ុបលោកUrsula von der Leyenក៏បានសន្យាបង្កើនវិភាគទានរបស់ខ្លួនចំនួន ១,៥ ពាន់លានផោន (ជាង ២ លាន ដុល្លារសហរដ្ឋអាមេរិក) ក្នុងគម្រោង COVAX ក្នុងការទិញវ៉ាក់សាំងនេះផងដែរ។
រីឯប្រធានាធិបតីបារាំងលោក Emmanuel Macron បានស្នើឱ្យមានការប្រគល់វ៉ាក់សាំងប្រមាណពី ៤ ទៅ ៥ ភាគរយ ដែលសហភាពអឺរ៉ុបមានទៅប្រទេសដែលត្រូវការជំនួយ។លោកស្រី Merkel ក៏បានបង្ហាញភាពវិជ្ជមានចំពោះគំនិតនេះផងដែរ៕
នៅដំណាច់ឆ្នាំនេះគម្រោង COVAX មានបំណងទិញវ៉ាក់សាំង ២ ពាន់លានដូស សម្រាប់ផ្តល់ទៅប្រទេសដែលមានប្រាក់ចំណូលទាប និងមធ្យមចំនួន ៩២ ប្រទេស៕
