.jpg)
ក្រុមមេដឹកនាំនិស្សិត ពិភាក្សាអំពីផែនការធ្វើការតវ៉ារបស់ពួកគេនៅខែក្រោយ។ BKP
ក្រុងបាងកក៖ ក្រុមសាស្ត្រាចារ្យក្រុមអ្នកនយោបាយមកពីគណបក្សប្រឆាំងមួយចំនួន និងក្រុមមេដឹកនាំនិស្សិតបានជឿជាក់ថា ការធ្វើបាតុកម្មប្រឆាំងរដ្ឋាភិបាលជាពិសេស ធ្វើឡើងនៅខែក្រោយនឹងមានអ្នកគាំទ្រកាន់តែច្រើនឡើង ត្រូវបានគេរំពឹងថា នឹងចូលរួមជាបន្តបន្ទាប់ ដោយសារការពន្យារពេលការបោះឆ្នោត ដើម្បីឱ្យសរសេរច្បាប់រដ្ឋធម្មនុញ្ញឡើងវិញ។
ទោះបីជាយ៉ាងណាក៏ដោយ ក៏សាស្ត្រាចារ្យខ្លះបានថ្លែងថា ក្រុមអ្នកតវ៉ាទាំងនោះបានធ្វើឱ្យមានកំហុសមួយ ដោយសារការអំពាវនាវឱ្យធ្វើកំណែទម្រង់របបរាជាធិបតេយ្យ ដែលបានធ្វើឱ្យក្រុមមនុស្សអព្យាក្រឹតនៅឆ្ងាយពីពួកគេ ដូច្នេះហើយបានធ្វើឱ្យយុទ្ធនាការរបស់ពួកគេចុះខ្សោយ ជុំវិញការធ្វើវិសោធនកម្មច្បាប់រដ្ឋធម្មនុញ្ញ នៅក្នុងប្រទេសនេះ។
កាលពីថ្ងៃព្រហស្បតិ៍ ក្រុមសមាជិកសភា និងសមាជិកព្រឹទ្ធសភា បានអនុម័តសំណើមួយ ដើម្បីបង្កើតគណៈកម្មាធិការមួយ ដើម្បីសិក្សាអំពីការប្រកាសធ្វើវិសោធនកម្មច្បាប់មាត្រា ៦ តាមរយៈការបោះឆ្នោតមួយ ដែលមានសំឡេងគាំទ្រ ៤៣២ ទល់ ២៥៥ សំឡេង ដោយអនុប្បវាទ ២៨ សំឡេង។
ជាការពិតណាស់ ការបោះឆ្នោតស្តីពីថា តើត្រូវទទួលយកសេចក្តីព្រាងច្បាប់ ៦ នៅក្នុងការអានដំបូងនេះ នឹងត្រូវបានពន្យាររយៈពេល ១ ខែទៀត។
ជាដំបូងការអង្គុយកៅអីរួមគ្នារបស់ក្រុមសមាជិកសភា និងក្រុមព្រឹទ្ធសភា គ្រោងបោះឆ្នោតសម្រេចថា តើត្រូវទទួលយកសេចក្តីព្រាងច្បាប់នោះនៅថ្ងៃព្រហស្បតិ៍ដែរឬទេ?
គណៈកម្មាធិការ ដែលមានសមាជិក ៣១ រូប នឹងរួមបញ្ចូលជាមួយក្រុមសមាជិកសភា មកពីក្រុមគណបក្សចម្រុះ និងក្រុមសមាជិកព្រឹទ្ធសភា ចំណែកឯក្រុមអ្នកនយោបាយគណបក្សប្រឆាំងវិញ បានបដិសេធមិនចួលរួមប្រកាសទេ។
ក្រុមសកម្មជននិស្សិត និងក្រុមបាតុករ ដែលបានប្រមូលផ្តុំគ្នានៅខាងក្រៅសភា ដើម្បីឃ្លាំមើលការបោះឆ្នោតសម្តែងការមិនពេញចិត្តចំពោះដំណោះស្រាយនោះ ដោយប្តេជ្ញាបន្តការតវ៉ារបស់ពួកគេ៕ BKP/SK
