កាលពីថ្ងៃសៅរ៍កន្លងទៅ ក្រុមបាតុកររាប់រយនាក់បានប្រមូលផ្តុំគ្នានៅរដ្ឋធានីថៃដើម្បីទាមទារឱ្យអាជ្ញាធរដោះលែងមេដឹកនាំបាតុករមួយចំនួនពីពន្ធនាគារពីការហាមឃាត់ការប្រមូលផ្តុំគ្នាជាសាធារណៈនៅក្នុងទីក្រុង។
ចលនាបាតុកម្មដឹកនាំដោយយុវជនបានកើតឡើងកាលពីឆ្នាំមុនដោយអំពាវនាវឱ្យលោកនាយករដ្ឋមន្ត្រី Prayut Chan-o-cha ជាអតីតមេដឹកនាំរបបយោធាលាលែងពីតំណែង និងទាមទារឱ្យមានការធ្វើកំណែទម្រង់របបរាជានិយម។
ទោះជាយ៉ាងណា តុលាការថៃបានបដិសេធសំណើថ្មីៗដែលសុំឱ្យមេដឹកនាំបាតុករដែលជាប់ពន្ធនាគារមួយចំនួននោះឱ្យនៅក្រៅឃុំ៕