កាលពីថ្ងៃច័ន្ទ ទី ២៩ មីនា ប្រទេសបារាំង ហៅអំពើហិង្សានៅប្រទេសមីយ៉ាន់ម៉ា ថាជាអំពើដែល «ខ្វាក់ និងសម្លាប់» ក្រោយពីមានអ្នកស្លាប់កើនឡើង។ នៅក្នុងប្រទេសមីយ៉ាន់ម៉ា ការបង្ក្រាបរបស់របបយោធាបានធ្វើឱ្យមនុស្សជាង ១០០ នាក់បានស្លាប់ កាលពីថ្ងៃទី ២៧ មីនា។
រដ្ឋមន្រ្តីក្រសួងការបរទេសបារាំងលោក Jean-Yves Le Drian បាននិយាយក្នុងសេចក្តីថ្លែងការណ៍ថា៖ «ខណៈពេលដែលការដាក់ទណ្ឌកម្មត្រូវបានសំរេចរួចហើយជាមួយដៃគូអឺរ៉ុប និងអន្តរជាតិរបស់យើង ខ្ញុំសូមអំពាវនាវឱ្យកងកម្លាំងមីយ៉ាន់ម៉ាទាំងអស់បញ្ឈប់សកម្មភាពពួកគេដែលកំពុងដឹកនាំប្រទេសរបស់ខ្លួន ហើយដោះលែងអ្នកទោសនយោបាយដោយត្រូវបានចាប់ខ្លួនដោយគ្មានលក្ខខណ្ឌ និងបន្តការដោះស្រាយតាមការសន្ទនា»។ នេះបើតាមការរាយការណ៍របស់សារព័ត៌មាន CNA។
ចាប់តាំងពីរដ្ឋប្រហារថ្ងៃទី ១ ខែកុម្ភៈ មកមនុស្សជាង ៤៥០ នាក់ ត្រូវបានស្លាប់នៅក្នុងការបង្ក្រាបការតវ៉ាការធ្វើរដ្ឋប្រហារនេះ៕