ក្រុងសានហ្វ្រានស៊ីស្កូៈ ក្រុមបុគ្គលិករាប់រយនាក់របស់ក្រុមហ៊ុន Google កាលពីថ្ងៃពុធ បានអំពាវនាវឲ្យក្រុមហ៊ុនអ៊ីនធឺណិតខ្នាតយក្សមួយនេះ ឈប់ធ្វើការឲ្យក្រុមមន្ត្រីអន្តោប្រវេសន៍អាមេរិកតទៅទៀត រហូតដល់ពួកគេលែង «ជាប់ពាក់ព័ន្ធនៅក្នុងការរំលោភសិទ្ធិមនុស្ស»។
នៅក្នុងញត្តិមួយ ដែលត្រូវបានចុះហត្ថលេខាដោយក្រុមបុគ្គលិក «Google» ជាង ៦០០ នាក់ កាលពីរសៀលថ្ងៃពុធ ត្រូវបានធ្វើឡើងយ៉ាងប្រញាប់ប្រញាល់ ដែលក្រុមមន្ត្រីគយ និងកងកម្លាំងការពារព្រំដែន (CBP) អាមេរិក កំពុងរៀបចំស្នើសុំបន្តកិច្ចសន្យាជាមួយនឹងក្រុមហ៊ុនមួយនេះតទៅទៀតនោះ។
Google គឺជាក្រុមហ៊ុនផ្តល់សេវាអ៊ីនធឺណិតខ្នាតយក្សមួយ ហើយមានក្រុមដៃគូប្រកួតប្រជែងរបស់ខ្លួនរួមមាន ក្រុមហ៊ុនអាម៉ាហ្សូន និងក្រុមហ៊ុនមីក្រូហ្សូត។
យោងតាមញត្តិថតចម្លង ដែលបានបង្ហោះក្នុងប្រព័ន្ធផ្សព្វផ្សាយខ្នាតមធ្យម (medium.com) បាននិយាយថា៖ «ក្រុមហ៊ុនផ្តល់សេវាអ៊ីនធឺណិតនាំមុខគេនោះ នឹងត្រូវបានកំពុងធ្វើបច្ចុប្បន្នភាពហេដ្ឋារចនាសម្ព័ន្ធរបស់អង្គភាព CBP ហើយបានជួយសម្រួលឲ្យមានការរំលោភសិទ្ធិមនុស្សរបស់ខ្លួនថែមទៀតផង»។
«វាដល់ពេលត្រូវនាំគ្នាក្រោកឈរឡើងម្តងទៀត និងបញ្ជាក់ឲ្យបានច្បាស់ថា យើងនឹងមិនធ្វើការឲ្យទៅតាមកិច្ចសន្យាណាមួយជាដាច់ខាត»។
ក្រុមហ៊ុន Google មិនបានឆ្លើយតបភ្លាមៗ ទៅនឹងការស្នើសុំឲ្យធ្វើអត្ថាធិប្បាយនោះនៅឡើយទេ។
ញត្តិនោះ បានទាមទារឲ្យក្រុមហ៊ុនមានមូលដ្ឋាននៅសង្កាត់ Silicon Valley ប្តេជ្ញាចិត្តជាសាធារណៈថា មិនគាំទ្រ CBP ទេ៕ AFP/SK