The Phnom Penh Post Search

Search form

Logo of Phnom Penh Post newspaper Phnom Penh Post - បុរស​ខ្លាំង​អាហ្វ្រិក​៖ ៣ឆ្នាំ​ប្រគល់​អំណាច




បុរស​ខ្លាំង​អាហ្វ្រិក​៖ ៣ឆ្នាំ​ប្រគល់​អំណាច

បុរស​ខ្លាំង​អាហ្វ្រិក​៖ ៣ឆ្នាំ​ប្រគល់​អំណាច

130401_19a
ប្រមុខឧទ្ទាម លោក Michel Djojtodia ប្រាប់សន្និសីទកាសែត AFP

ក្រុង​បានហ្គុយៈ បុរស​ខ្លាំង​ថ្មី​នៃ​សាធារណរដ្ឋ​អាហ្វ្រិក​កណ្តាល​លោកMichel Djotodia បាន​ប្តេជ្ញា​ជា​ថ្មី​ពី​ថ្ងៃ​សៅរ៍​ថា​នឹង​ប្រគល់​អំណាច​ឲ្យ​នៅ​ឯ​ដំណាច់​នៃ​ការ​ផ្ទេរ​អំណាច​បី​ឆ្នាំ ដែល​លោក​បាន​ប្រកាស​បន្ទាប់​ពី​រដ្ឋ​ប្រហារ​របស់​គាត់​មួយ​សប្តាហ៍​កន្លង​ទៅ​និង​មិន​ចូល​រួម​ប្រជែង​ក្នុង​ការ​បោះ​ឆ្នោត​ឆ្នាំ​២០១៦​នោះ​ឡើយ​។

លោក Djotodia បាន​ថ្លែង​នៅ​ឯ​ការ​ជួប​ជុំ​អ្នក​គាំទ្រ​ជាង​៣​ពាន់​នាក់​នៅ​ក្នុង​រដ្ឋធានី​មាត់​ទន្លេ បាន ហ្គុយ​ខណៈ​អាមេរិក​បាន​ថ្កោល​ទោស​ចំពោះ​ការ​ដណ្តើម​អំណាច​ខុស​ច្បាប់​របស់​លោក​និង​បាន​អំពាវនាវ​ឲ្យ​វិល​ទៅ​រក​ប្រជា​ធិបតេយ្យ​វិញ​ភ្លាមៗ។

មាន​ការ​បាញ់​កាំភ្លើង​ឡើង​លើ​ជាច្រើន​គ្រាប់​ខណៈ​អ្នក​គាំទ្រ​ដែល​រីក​រាយ​ត្រេកអរ បាន​ដើរ​ក្បួន​ឆ្លង​កាត់​ក្រុង​បានហ្គុយ​មួយ​សប្តាហ៍​បន្ទាប់​ពី​ក្រុម​ឧទ្ទាម Seleka បាន​បណ្តេញ​លោក​ប្រធានា​ធិបតី​ហ្វ្រង់ស័្វរ បូហ្ស៊ីហ្សេ។

លោក Djotodia បាន​និយាយ​ថា៖ «ខ្ញុំ​ស្នើ​ដល់​អំណាច​ព្រះ!សូម​ផ្តល់​កម្លាំង​និង​ភាព​ឈ្លាស​វៃ​ដល់​ខ្ញុំ និង​នាយក​រដ្ឋ​មន្ត្រី​ខ្ញុំ​ដើម្បី​គ្រប់​គ្រង​អាហ្វ្រិក​កណ្តាល​ឲ្យ​បាន​ល្អ​ក្នុង​ពេល​បី​ឆ្នាំ​ខាង​មុខ​នេះ​»។

លោក​បាន​ថ្លែង​ថា៖ «យើង​នឹង​ប្រគល់​អំណាច​ទៅ​នរណា​ដែល​មក​ស្នង​តំណែង​ពួក​យើង​»។

ក្នុង​នាម​ជា​មេ​ដឹក​នាំ​រដ្ឋ​ប្រហារ ចុង​ក្រោយ​បំផុត បុរស​ខ្លាំង​ថ្មី​រូប​នេះ​បាន​និយាយ​ថា ក្រុម​ឧទ្ទាម​បាន​ចូល​កាន់​អំណាច​មិន​មែន​តាម​រយៈ​មហិច្ឆតា​នយោបាយ​ទេ ប៉ុន្តែ​តាម​រយៈ​ភារកិច្ច​ជាតិ​។

លោក Djotodia បាន​ប្រាប់​អ្នក​គាំទ្រ​ថា៖ «ខ្ញុំ​សង្ឃឹម​ថា​ក្លាយ​ជា​ប្រធានា​ធិបតី​ប្រមុខ​ឧទ្ទាម​ចុង​ក្រោយ​របស់​អាហ្វ្រិក​កណ្តាល​»៕ 

អត្ថបទគួរចាប់អារម្មណ៍