.jpg)
លោក ស្រី Jeanine Anez ធ្វើកាយវិការក្រោយប្រកាសខ្លួនឯងជាប្រធានាធិបតីស្តីទី។ AFP
ក្រុងឡាប៉ាស៖ សមាជិកព្រឹទ្ធសភាម្នាក់ប្រកាសខ្លួនឯងថា ជាប្រធានាធិបតីស្តីទីរបស់ប្រទេស បូលីវី កាលពីថ្ងៃអង្គារ នៅក្នុងកិច្ចខិតខំប្រឹងប្រែងមួយ ដើម្បីចូលកាន់តំណែងដែលនៅទំនេរ ដោយការលាលែងពីតំណែងយ៉ាងឆាប់រហ័សរបស់លោក អ៊ីវ៉ូ មូរ៉ាល់ស៍ ដែលភ្លាមៗនោះបានថ្កោលទោសចំពោះវិធានការនោះថាជា «រដ្ឋប្រហារក្បត់ជាតិ» មួយ។
ក្រុមសមាជិកសភា ត្រូវបានកោះឲ្យមកប្រជុំ ដើម្បីអនុម័តការលាលែងពីតំណែង និងគាំទ្រអនុប្រធានព្រឹទ្ធសភាលោកស្រី Jeanine Anez មានវ័យ ៥២ ឆ្នាំ ធ្វើជាប្រធានាធិបតីស្តីទីនៃប្រទេស បូលីវី។
ជំនួសមកវិញ លោកស្រី Anez បានប្រកាសខ្លួនឯងថា ជាប្រធានាធិបតីស្តីទី នៅពេលកិច្ចប្រជុំ បានបរាជ័យ ដោយសារសមាជិកសភាចូលរួមមិនគ្រប់គ្រាន់ ដោយមួយចំនួនធំមិនចូលរួមប្រជុំនៅចំពេលមានការបិទផ្លូវ និងបន្តការតវ៉ា ដោយក្រុមអ្នកគាំទ្រលោក មូរ៉ាល់ស៍ នោះ។
ក្រោយមក តុលាការរដ្ឋធម្មនុញ្ញ បានអនុម័តតែងតាំងលោកស្រី Anez ធ្វើជាប្រធានាធិបតីស្តីទីរបស់ប្រទេស បូលីវី។
លោកស្រី Anez បានថ្លែងនៅក្នុងសុន្ទរកថា មួយទៅកាន់សភាថា៖ «យើងចង់អំពាវនាវឲ្យមានការបោះឆ្នោតថ្មីកាន់តែឆាប់តាមដែលអាចធ្វើទៅបាន» ដោយមានលោក មូរ៉ាល់ស៍ តែមួយគត់ជាអ្នកប្រឆាំងបច្ចុប្បន្ន។
លោកស្រីបានថ្លែងថា៖ «វាជាការប្តេជ្ញាចិត្តមួយដែលយើងបានធ្វើឡើង ដើម្បីប្រទេសយ៉ាងពិតប្រាកដ យើងនឹងបំពេញបំណងជូនប្រជាជន និងប្រទេសជាតិមួយនេះ»៕ AFP/SK
