.jpg)
សាច់ញាតិកាន់ទុក្ខMoein Al-Saai ស្លាប់ដោយសាររងរបួសនៅក្នុងអំឡុងការតវ៉ានៅតំបន់ហ្គាហ្សា។ AFP
ក្រុងហ្គាហ្សាៈ ក្រសួងសុខាភិបាល ប៉ាឡេស្ទីន បានឲ្យដឹងកាលពីថ្ងៃសៅរ៍ថា ពលរដ្ឋប៉ាឡេស្ទីនបីនាក់ បានស្លាប់ប៉ុន្មានថ្ងៃក្រោយពីទាហាន អ៊ីស្រាអែល បាញ់នៅក្នុងអំឡុងការតវ៉ានៅតំបន់ ហ្គាហ្សា។
ការស្លាប់របស់ពួកគេ នាំឲ្យចំនួនពលរដ្ឋប៉ាឡេស្ទីនដែលស្លាប់ ឡើងដល់ ៦២ នាក់ ដោយសារអ៊ីស្រាអែលបាញ់ កាលពីថ្ងៃចន្ទ សប្តាហ៍មុន នៅពេលពលរដ្ឋប៉ាឡេស្ទីនរាប់ពាន់នាក់ បានធ្វើការតវ៉ា ខណៈអាមេរិក រើស្ថានទូតរបស់ខ្លួនពីក្រុងតែល អាវីវ ទៅកាន់ក្រុងហ្ស៊េរុយសាឡិម ជាផ្លូវការនោះ។
នៅក្នុងសេចក្តីថ្លែងការណ៍មួយ កាលពីថ្ងៃសៅរ៍ក្រសួង ដែលគ្រប់គ្រងដោយឧទ្ទាមហាម៉ាស បានថ្លែងថា បុរសទាំងបីនាក់នោះគឺ Mohammed Mazen Alyan មានវ័យ២០ឆ្នាំ Moein Abdel-Hamid Al-Saai មានវ័យ៥៨ឆ្នាំនិង Ahmed Samara មានវ័យ ២១ ឆ្នាំ។
ក្រសួងនោះបានឲ្យដឹងថា Alyan ត្រូវរងរបួសនៅភាគខាងកើតនៃជំរំជនភៀសខ្លួន Al-Bureij ខណៈប្រភពសុខាភិបាល បានរាយការណ៍ថា Al-Saai ត្រូវរងរបួសនៅភាគខាងកើតក្រុង ហ្គាហ្សា។
Samara ត្រូវរងរបួសនៅភាគខាងកើតក្រុង Jabalia នៅភាគខាងជើងដែនដីប៉ាឡេស្ទីន៕ PSA
