ក្រុងរ៉ាម៉ាល់ឡាហ៍៖ ប៉ាឡេស្ទីនកាលពីថ្ងៃអង្គារ បានរិះគន់ក្រុមមន្ត្រីអ៊ីស្រាអែល ជុំវិញសេចក្តីថ្លែងការណ៍នានា ដែលបានប្តេជ្ញាចិត្តដាក់បញ្ចូលផ្នែកខ្លះនៃតំបន់វ៉េសប៊ែងចូលក្នុងឧបសម្ព័ន្ធរបស់អ៊ីស្រាអែល។
អ្នកនាំពាក្យប្រធានាធិបតីប៉ាឡេស្ទីនលោក ណាប៊ីលអាប៊ូ រ៉ូឌីណាហ៍ នៅក្នុងការឆ្លើយតបទៅនឹងសេចក្តីថ្លែងការណ៍របស់នាយករដ្ឋមន្ត្រីអ៊ីស្រាអែលលោក បេនចាមីន នេតានីយ៉ាហ៊ូ និងប្រធានគណបក្ស Blue and White-party Benny Gantzថា៖ «សេចក្តីថ្លែងការណ៍នោះ បានធ្វើឲ្យប៉ះពាល់ដល់ដំណើរការសន្តិភាពជាមូលដ្ឋាន និងធ្វើឲ្យតំបន់ទាំងមូលធ្លាក់ចូលទៅក្នុងដំណាក់កាលជម្លោះ និងអស្ថិរភាពដ៏គ្រោះថ្នាក់ថ្មីមួយជាក់ជាមិនខាន»។
យោងតាមសេចក្តីថ្លែងការណ៍មួយ ដែលបានចុះផ្សាយដោយទីភ្នាក់ងារព័ត៌មានរបស់ប៉ាឡេស្ទីនផ្លូវការ វ៉ាហ្វា (WAFA) ថា ប្រធានាធិបតីប៉ាឡេស្ទីន បានព្រមានក្រុមមន្ត្រីអ៊ីស្រាអែលទាំងអស់ ដែលបានធ្វើការប្រកាសម្តងហើយម្តងទៀតបែបនេះថា ខ្លួននឹងមានផលវិបាកយ៉ាងខ្លាំង ជុំវិញការចុះកិច្ចព្រមព្រៀងទាំងអស់ និងការយោគយល់គ្នារវាងភាគីទាំង ២។
លោក អាប៊ូ រ៉ូឌីណាហ៍ បានស្នើសុំឲ្យសហគមន៍អន្តរជាតិ «ចាត់វិធានការឲ្យបានខ្លាំងក្លាប្រឆាំងឥរិយាបថរបស់អ៊ីស្រាអែលបែបនេះ ដែលបានគំរាមកំហែងដល់សន្តិភាព សន្តិសុខ និងស្ថិរភាពរបស់ពិភពលោកទាំងមូលផងដែរ»។
លោក ហាហ្ស៊ីម ហ្គាសស្ស៊ីម ជាអ្នកនាំពាក្យក្រុមហាម៉ាសនៅក្នុងតំបន់ហ្គាហ្សាបានថ្លែងនៅក្នុងសេចក្តីថ្លែងការណ៍ថា «វាគឺជាការរំលោភច្បាប់អន្តរជាតិ និងបន្តបដិសេធសេចក្តីសម្រេចរបស់អន្តរជាតិដោយអ៊ីស្រាអែល»៕ Xinhua/SK