ក្រុងយុំាងហ្គោនៈ ក្រុមសកម្មជនបាននិយាយថា ប៉ូលិសបានបើកការបាញ់ប្រហារគ្រាប់កៅស៊ូទៅលើហ្វូងអ្នកតវ៉ារាប់ពាន់នាក់នៅប្រទេសមីយ៉ាន់ម៉ាភាគខាងកើតកាលពីថ្ងៃអង្គារ ខណៈការតវ៉ាឡើងកម្តៅខ្លាំងជុំវិញរូបសំណាកថ្មីប្រកបដោយភាពចម្រូងចម្រាស។ រូបសំណាកធ្វើពីស្ពាន់តំណាងឲ្យឪពុករបស់មេដឹកនាំស៊ីវិលលោកស្រី អ៊ុងសាន ស៊ូជី គឺលោក អ៊ុង សាន ជិះលើខ្នងសេះត្រូវបានបង្ហាញកាលពីដើមខែនៅក្នុងរដ្ឋធានីនៃរដ្ឋកាយ៉ាហ៍ ថ្វីបើមានការប្រឆាំងជំទាស់យ៉ាងណាក៏ដោយ។
លោក អ៊ុង សាន បានទទួលការគោរពយ៉ាងទូលំទូលាយពីប្រជាជនជនភាគតិច ជាវីរបុរសឯករាជ្យចំពោះតួនាទីរបស់លោកនៅក្នុងការតស៊ូប្រឆាំងនឹងការគ្រប់គ្រងរបស់អាណានិគមអង់គ្លេស។
ប៉ុន្តែលោកឧត្តមសេនីយ៍ដែលត្រូវបានគេធ្វើឃាតនៅមុនឯករាជ្យនៅក្នុងឆ្នាំ ១៩៤៨ រូបនេះត្រូវបានគោរពស្រឡាញ់នៅក្នុងចំណោមជនភាគតិចដែលមើលឃើញលោកថា ជានិមិត្តរូបនៃការគ្រប់គ្រងមីយ៉ាន់ម៉ា។
កាលពីថ្ងៃអង្គារ មនុស្សរាប់ពាន់នាក់ដែលបានហែក្បួនទៅកាន់សភានៃរដ្ឋកាយ៉ាហ៍ត្រូវបានប៉ូលិសរារាំងដែលបានឈរតម្រង់ជួរនៅពីក្រោយបន្លាលួសនោះ។
មេដឹកនាំតវ៉ាម្នាក់ឈ្មោះ MyoHlaing Win បានប្រាប់ AFP តាមទូរស័ព្ទថា មនុស្ស ១០ នាក់បានរងរបួស ក្រោយពីប៉ូលិសបានបាញ់គ្រាប់កៅស៊ូចូលទៅក្នុងហ្វូងមនុស្ស។
លោកបានថ្លែងថាពួកគេបានវាយប្រហារមនុស្សគ្មានអាវុធ។ រឿងនេះមិនគួរកើតឡើងនៅក្រោមរដ្ឋាភិបាលប្រជាធិបតេយ្យទេ»៕