កាលពីថ្ងៃពុធ ទី ១៩ ឧសភា ប៉ូលិសសាយប័រប្រទេសចិន បានចោទប្រកាន់ការតវ៉ាទាក់ទងនឹងការស្លាប់របស់សិស្សអាយុ ១៧ ឆ្នាំ នៅភាគនិរតីប្រទេសថា ជាកម្លាំងអរិភាពបរទេសដោយព្រមានអ្នកប្រើប្រព័ន្ធផ្សព្វផ្សាយចិនឱ្យនៅឆ្ងាយពីការប៉ុនប៉ងធ្វើបដិវត្តន៍ពណ៌។
ការលើកឡើងនេះបានធ្វើឡើងនៅពេលដែលក្រុមមន្រ្តីអនុវត្តច្បាប់កំពូលរបស់ទីក្រុងប៉េកាំង បានបញ្ជាឱ្យក្រុមសន្តិសុខចិនរក្សាការប្រុងប្រយ័ត្នចំពោះសកម្មភាពដែលអាចមានការប្រយុទ្ធប្រឆាំងនឹងក្រុមក្មេងទំនើង និងបទល្មើសដែលបានរៀបចំទុកមុន។
បន្ថែមពីនេះក្រុមមន្រ្តីអនុវត្តច្បាប់កំពូល ក៏បានបញ្ជាឱ្យលុបបំបាត់ចោលនូវរាល់ការបះបោររហូតដល់គម្រប់ខួបបក្សកុម្មុយនីស្តចិន ១០០ ឆ្នាំ។
នៅក្នុងសេចក្តីថ្លែងការណ៍មួយកាលពីល្ងាចថ្ងៃទី ៩ ឧសភា នាយកដ្ឋានប៉ូលិសសាយប័រនៅ Sichuan បានចោទប្រកាន់ការតវ៉ានេះ គឺមានកម្លាំងអរិភាពទាំងក្នុង និងក្រៅប្រទេសទាក់ទងនឹងការស្លាប់របស់សិស្សនៅវិទ្យាល័យកណ្តាលលេខ ៤៩ កាលពីសប្តាហ៍មុន។
គួរបញ្ជាក់ផងដែរថា កាលពីថ្ងៃទី ៩ ឧសភា មានករណីសិស្សម្នាក់ស្លាប់នៅវិទ្យាល័យនៅប្រទេសចិន ដែលករណីនេះ មានការបញ្ចេញមតិជាច្រើននៅលើប្រព័ន្ធផ្សព្វផ្សាយចិន។
ករណីនេះមានការចាប់អារម្មណ៍ពីសំណាក់អ្នកប្រើប្រាស់ប្រព័ន្ធផ្សព្វផ្សាយច្រើនដោយសារម្តាយរបស់សិស្សដែលស្លាប់បានបង្ហោះសារទាមទារឱ្យ មានការស៊ើបអង្កេតទៅលើករណីរបស់កូនអ្នកស្រី។
អ្នកស្រី Lu ដែលជាម្តាយសិស្សនោះ បាននិយាយថា នាងបានទទួលដំណឹងនៃការស្លាប់របស់ កូនអ្នកស្រី ២ ម៉ោង ក្រោយពេលដែលសពកូនប្រុសរបស់អ្នកស្រីនៅឯពិធីបុណ្យសព ហើយមិនអនុញ្ញាតឱ្យនៅឯបរិវេណសាលាដើម្បីនិយាយជាមួយមិត្តរួមថ្នាក់ ឬគ្រូរបស់គេឡើយ។មន្រ្តីសាលាដំបូង បានច្រានចោលសំណើរបស់អ្នកស្រីដើម្បីពិនិត្យមើលវីដេអូពីកាមេរ៉ាសុវត្ថិភាព។
ករណីស្លាប់របស់សិស្សវ័យ ១៧ ឆ្នាំនោះបានទាក់ទាញចំណាប់អារម្មណ៍ពីអ្នកប្រើប្រាស់ប្រព័ន្ធផ្សព្វផ្សាយចិន ហើយក៏មានការតវ៉ានិងទាមទារឱ្យ មានការស៊ើបអង្កេតទៅលើករណីនេះឱ្យ បានលម្អិតផងដែរ។ ប៉ូលិសបានប្រកាសការស្លាប់របស់យុវជននោះថា ជាការធ្វើអត្តឃាតខ្លួនឯងដោយលោតពីលើអគារសាលារៀន។
អ្នករិះគន់មួយចំនួនបានលើកឡើងថា ការស្លាប់នេះបានរំឭកពីកង្វះតម្លាភាព និងការរាំងស្ទះសេរីភាពសារព័ត៌មាននិងប្រធានបទនៃការធ្វើអត្តឃាតនៅសាលារៀន។
អ្នកស្រី Lu ធ្លាប់បាននិយាយថា អ្នកស្រីព្យាយាមស្វែងរកជំនួយពីបណ្តាញសារព័ត៌មានប៉ុន្តែ មិនមានអ្នកណាព្រមនិយាយពីរឿងនេះឡើយ។ អ្នកស្រីបានសរសេរសារនៅលើបណ្តាញសង្គមថា៖«គ្មាននរណាម្នាក់ហ៊ាននិយាយទេ»។ នេះបើយោងតាមការស្រង់សម្តីរបស់សារព័ត៌មាន CNN៕