ក្រុងឡុងដ៍៖ ក្រុមមន្ត្រីប៉ូលិសទីក្រុងឡុងដ៍បានចាត់វិធានការយ៉ាងតឹងរ៊ឹងប្រឆាំងនឹងក្រុមអ្នកតវ៉ាបរិស្ថាន ដែលតាមការរាយការណ៍មានបំណងចង់បង្កឲ្យមានការរំខានយ៉ាងខ្លាំងអស់រយៈពេលជាង ១០ ថ្ងៃកន្លងទៅនេះ នៅចំកណ្តាលទីក្រុង នៃប្រទេស អង់គ្លេស។
ក្រុមអ្នកតវ៉ារាប់រយនាក់ ដែលបានរៀបចំដោយក្រុមសកម្មជនប្រឆាំងការបំផ្លិចបំផ្លាញបរិស្ថាន បានប្រមូលផ្តុំគ្នានៅទីលានវិមាន Trafalgar Square កាលពីរសៀលថ្ងៃពុធ ជាការផ្គើនទៅនឹង«បម្រាម»របស់ប៉ូលិសទៅលើ «ការបះបោរនៅនិទាឃរដូវ» បានធ្វើការតវ៉ានៅក្នុងទីក្រុងឡុងដ៍។
ក្រុមសកម្មជនបរិស្ថានបានដើរដង្ហែក្បួន «ទម្លុះហ្វូងសេះ» មួយក្រុម នៅម្តុំស្ថានទូតមួយចំនួននៅទីក្រុងឡុងដ៍កាលពីថ្ងៃពុធ ដើម្បីលើកឡើងអំពីការបំផ្លិចបំផ្លាញធម្មជាតិ ចំណែកឯក្រុមម្តាយ និងទារកវិញ បានប្រមូលម្តុំគ្នានៅខាងក្រៅទីស្នាក់ការរបស់ក្រុមហ៊ុនហ្គូតហ្គោល ដើម្បីបិទទ្វារនៅក្នុងការតវ៉ាផ្សេងៗទៀត។
ដោយមានផែនការខ្លះដើម្បីយកបណ្តាញផ្លូវក្រោមដីនៅទីក្រុងឡុងដ៍ជាគោលដៅធ្វើបាតុកម្មកាលពីថ្ងៃព្រហស្បតិ៍នោះ ប៉ូលិសបាននិយាយថា៖ «ការបិទប្រព័ន្ធផ្លូវរថភ្លើងក្រោមដី គឺជាទង្វើមួយដែលមិនអាចទទួលយកបានទាល់តែសោះ»។
បញ្ហានេះ បានធ្វើឲ្យប៉ូលិសនៅតាមទីក្រុងធំៗដាក់លក្ខខណ្ឌមួយចំនួន ដោយបានថ្លែងប្រាប់ក្រុមអ្នកដែលជាប់ពាក់ព័ន្ធនៅ «ក្នុងការបះបោរនៅនិទាឃរដូវ» ដែលពួកគេអាចនឹងប្រឈមមុខការចាប់ខ្លួន ប្រសិនបើពួកគេនៅបន្តធ្វើបាតុកម្មទៀត។
ក្រុមនោះ បានកំពុងធ្វើបាតុកម្មនៅទូទាំងក្រុងឡុងដ៍ ចាប់តាំងពីថ្ងៃចន្ទសប្តាហ៍មុន ដើម្បីជំរុញឲ្យរដ្ឋាភិបាលអង់គ្លេសចាត់វិធានការចំពោះការប្រែប្រួលអាកាសធាតុ៕ Xinhua/SK