The Phnom Penh Post Search

Search form

Logo of Phnom Penh Post newspaper Phnom Penh Post - ប៉ូលិស៖ ការ​វាយ​ប្រហារ​កាស៊ី​ណូកេនយ៉ា​សម្លាប់​មនុស្ស​៧​នាក់




ប៉ូលិស៖ ការ​វាយ​ប្រហារ​កាស៊ី​ណូកេនយ៉ា​សម្លាប់​មនុស្ស​៧​នាក់

ប៉ូលិស៖ ការ​វាយ​ប្រហារ​កាស៊ី​ណូកេនយ៉ា​សម្លាប់​មនុស្ស​៧​នាក់

130329_18d
កម្លាំងយោធាកេនយ៉ា យាមការពារនៅក្រៅកាស៊ីណូដែលគេវាយប្រហារ AFP

ក្រុងណៃរ៉ូប៊ីៈ ក្រុម​ប៉ូលិស​បាន​និយាយ​ថា យ៉ាង​ហោច​ណាស់​មនុស្ស​៧​នាក់​ ក្នុង​នោះ​ប៉ូលិស​ម្នាក់​ត្រូវ​បាន​បាញ់​សម្លាប់​ក្នុង​ការ​ប្រយុទ្ធ​គ្នា​ ដោយ​អាវុធ​មួយ​នៅ​ព្រឹក​ព្រលឹម​ថ្ងៃ​ព្រហស្បតិ៍ បន្ទាប់​ពី​ក្រុម​អន្ធពាល​បាន​វាយ​ប្រហារ​លើ​កាស៊ីណូ​ឆ្នេរ​សមុទ្រ​កេនយ៉ា​មួយ​។

ស្នង ​ការ​ប៉ូលិស​ប្រចាំ​តំបន់​ លោក អាគគ្រី អាដូលី បាន​ប្រាប់ AFP​ ថា ៖«​អ្នក​វាយ​ប្រហារ​​៦នាក់ ត្រូវ​បាន​បាញ់​សម្លាប់ ប៉ុន្តែ​ពួក​គេ​ក៏​បាន​បាញ់​សម្លាប់​ប៉ូលិស​របស់​យើង​ម្នាក់​ដែរ​»។

លោក​ បាន​និយាយ​ថា ក្រុម​អន្ធពាល​មាន​គ្នា​ច្រើន​ ដែល​លោក​និយាយ​ថា ​ជាសមាជិក​នៃ​ក្រុម​និយម​បំបែក​ខ្លួន​ឆ្នេរ​សមុទ្រ​។ ក្រុម​ប្រឹក្សា​សាធារណៈ​ម៉ុមបាសា(MRC)​បាន​បើក​ការ​វាយ​ប្រហារ​លើកាស៊ីណូ​ មួយ​នៅទី​ប្រជុំ​ជន​ម៉ាលីនឌី​ ដែល​ជា​រមណីយដ្ឋាន​ទេសចរណ៍​មហា​សមុទ្រ​ឥណ្ឌា​ដ៏​មាន​ប្រជាប្រិយ។​

មក​ទល់​នឹង​ពេល​នេះ មិន​មាន​របាយការណ៍​ថា ភ្ញៀវ​ទេសចរ​បាន​រង​របួស​ក្នុង​ការ​វាយ​ប្រហារ​នេះ​ឡើយ​។

លោក អាដូលី​ បាន​បន្ត​ថា៖ «មាន​ការ​វាយ​ឆ្មក់​មួយ​របស់​ក្រុម MRC លើកាស៊ីណូ​មួយ​នៅ ម៉ាលីនឌី​ ​កាល​ពី​​ម៉ោង​ពីរយប់​​ថ្ងៃ​ព្រហស្បតិ៍​​ ដោយ​​ក្រុម​អន្ធពាល មាន​គ្នា​ប្រហែល​១០០​នាក់​»។​

លោក​បាន​បន្ថែម​ថា ប៉ូលិស​បួន​នាក់​ បាន​ស្ថិត​នៅ​កាស៊ីណូ​នោះ ​នៅ​ពេល​ការ​វាយ​ឆ្មក់​កើត​ឡើង​។

លោក​បាន បន្ថែម​ទៀត​ថា៖ «មាន​ការ​បាញ់​ប្រហារ​ដ៏​សាហាវ​នៅ​ខាង​ក្រៅ​កាស៊ីណូ ព្រោះ​ពួកវា​ចង់​ព្យាយាម​ចូល​ទៅ​ក្នុង ប៉ុន្តែ​ពួក​គេ​ត្រូវ​បាន​វាយ​រុញ​ច្រាន​វិញ​»។ កម្លាំង​ប៉ូលិស​បាន​ចាប់​ខ្លួន​មនុស្ស​៤​នាក់​៕ CC

អត្ថបទគួរចាប់អារម្មណ៍