The Phnom Penh Post Search

Search form

ប្រជាជន​ ទុយនីស៊ី​ តវ៉ា​ប្រឆាំង​នឹង​ការវិលត្រឡប់​របស់​ក្រុម ​ជីហាដ

Content image - Phnom Penh Post
អ្នកតវ៉ាស្រែក​ពាក្យ​ស្លោក​ក្នុង​អំឡុងការ​តវ៉ា​ប្រឆាំងការវាយ​ប្រ​ហារភេរវកម្ម​​។ Afp

ប្រជាជន​ ទុយនីស៊ី​ តវ៉ា​ប្រឆាំង​នឹង​ការវិលត្រឡប់​របស់​ក្រុម ​ជីហាដ

ក្រុងទុយនីសៈ ប្រជាជន​ប្រហែល​មួយ​ពាន់នាក់ បានធ្វើ​ការតវ៉ា​នៅក្នុង​ក្រុង​ទុយនី​សភាគ​កណ្តាល​ពីថ្ងៃ​អាទិត្យ​ប្រឆាំងនឹង​ការអនុញ្ញាត​ឲ្យក្រុម​ជន​ទុយនីស៊ី​ដែល​បាន​ប្រយុទ្ធ​ជាមួយ​ក្រុម​ជីហាដ​នៅ​បរទេស​វិលត្រឡប់​ចូលក្នុង​ប្រទេស​នេះវិញ។

យោងតាម​ក្រុមមន្ត្រី​បានឲ្យ​ដឹងថា ប្រជាជន​ទុយនីស៊ី​ប្រហែល​បីពាន់​នាក់ បាន​ចូលរួម​ជាមួយ​ក្រុម​ជីហា​ដដែល​បាន​ប្រយុទ្ធ​នៅ​លីប៊ី​នៅជិតខាង និង​ស៊ីរី និង​អ៊ីរ៉ាក់។

អង្គការសហប្រជាជាតិ​បានដាក់​តួលេខ​នោះ​ត្រឹម ៥ ពាន់នាក់​ប៉ុណ្ណោះ។ ដោយ​ក្រុម​រដ្ឋអ៊ិស្លាម បាន​បាត់បង់​បន្ទាយធំ Sirte របស់ខ្លួន​នៅ​លីប៊ី និងក្រុម​ជីហាដ​នៅក្រោម​សម្ពាធ​នៅ​អ៊ីរ៉ាក់ និង​ស៊ីរី​នោះ កង្វល់​ជាច្រើន បាន​កើនឡើង​នៅ​ទុយនីស៊ី ដែល​ភាគច្រើន នឹង​វិលត្រឡប់​ចូល​ប្រទេស​នេះវិញ។

ក្រុមអ្នកតវ៉ា​ជួបជុំគ្នា​កាលពី​ថ្ងៃអាទិត្យ ភាគច្រើន​រុំ​ទង់ជាតិ​ទុយនីស៊ី បាន​ស្រែកថា គ្មាន​ភេរវករវិល​ត្រឡប់មក​វិញទេ! ប្រជាជន​ទុយនីស៊ី​ទាំងអស់ ប្រឆាំងនឹង​ភេរវកម្ម។

អ្នកតវ៉ា​ម្នាក់​ក្នុងចំណោម​អ្នកតវ៉ា​ទាំងនោះ លោក Shahnez Mili ជា​មន្ត្រីរាជការ អាយុ ៣៣ ឆ្នាំបាន​និយាយថា ប្រជាជន​ទុយនីស៊ី​ទាំងអស់ ត្រូវបាន​ធានា​ដោយ​ឆន្ទៈ​នយោបាយ​មួយ​ពិតប្រាកដ​ដែល​នឹង​បញ្ជាក់​ច្បាស់ថា ក្រុម​ឧក្រិដ្ឋជន នឹងមិន​ត្រូវ​អនុញ្ញាត​ឲ្យវិល​ត្រឡប់​មកវិញ​ទេ។

ក្រុម​អាជ្ញាធរ​ទុយនីស៊ី បាន​ចាប់ខ្លួន ជនជីហាដ​ជាច្រើន​នាក់​ដែលគេ​សង្ស័យ​នៅក្នុង​ការបង្ក្រាប​ទៅលើ​ក្រុម​ជ្រុលនិយម​ក្នុង​ប៉ុន្មាន​សប្តាហ៍ថ្មីៗ​នេះ។

ក្រុម​អាជ្ញាធរ បាន​បង្កើន​កិច្ចប្រឹងប្រែង​ក្រោយពី​លោក Anis Amri ជាតិ​ទុយនីស៊ី ត្រូវ​បានកំណត់​អត្តសញ្ញាណ​ថាជា​ជនសង្ស័យ​សំខាន់​នៅក្នុង​ការវាយ​ប្រហារ​ពីខែមុន​នៅផ្សារ​លក់ទំនិញ​ថ្ងៃបុណ្យ​ណូអែល​នៅ​ក្រុង​ប៊ែរឡាំង​ដែល​បាន​បណ្តាលឲ្យ​មនុស្ស ១២ នាក់ស្លាប់។

លោក Amri ត្រូវបាន​គេបាញ់​សម្លាប់​នៅ​ក្រុង​មីឡាន​នៃអ៊ីតាលី ៤ ថ្ងៃក្រោយ​ការវាយប្រហារ​នោះ៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។