កាលពីថ្ងៃអាទិត្យ ទី ៧ កុម្ភៈ និយតករទីផ្សារចិនបានចេញច្បាប់ប្រឆាំងនឹងការធ្វើអាជីវកម្មផ្ដាច់មុខ ដែលផ្ដោតទៅលើក្រុមហ៊ុនបច្ចេកវិទ្យាធំៗដូចជា Alibaba និង Tencent ជាដើម។
ច្បាប់ថ្មីនេះ បានបញ្ជាក់ពីសកម្មភាពអាជីវកម្មផ្ដាច់មុខជាច្រើនដែលនិយតករគ្រោងនឹងបង្ក្រាប ដែលត្រូវបានគេរំពឹងថា នឹងដាក់សម្ពាធថ្មីលើសេវាកម្មទីផ្សារអ៊ីនធឺណិតឈានមុខគេរបស់ប្រទេសនេះដូចជាផ្សារ Taobao របស់ Alibaba និង Tmall រួមទាំងសេវាកម្មទូទាត់ប្រាក់ដូចជា Alipay របស់ Ant Group ឬ WeChat Pay របស់ Tencent ជាដើម។
រដ្ឋបាលសម្រាប់និយតកម្មទីផ្សារ (SAMR) បាននិយាយថា ច្បាប់នេះនឹង «បញ្ឈប់អាកប្បកិរិយាផ្តាច់មុខនៅក្នុងវេទិកាសេដ្ឋកិច្ច និងការពារការប្រកួតប្រជែងដោយយុត្តិធម៌នៅក្នុងទីផ្សារ»៕