កាលពីថ្ងៃអង្ការ ទី ៩ មីនាប្រទេសចិន ជំរុញឱ្យសហរដ្ឋអាមេរិកដកការហាមឃាត់មិនសមហេតុផលលើកិច្ចសហប្រតិបត្តិការឱ្យបានឆាប់ និងធ្វើការរួមគ្នាទាក់ទងនឹងបញ្ហាការប្រែប្រួលអាកាសធាតុ។
ក្រុមប្រឹក្សារដ្ឋប្រទេសចិន លោក Wang Yi បាននិយាយថាភាគីទាំង ២ ត្រូវតែផ្តោតសំខាន់ទៅលើការសហការដែលអាចផ្តល់ផ្លែផ្កាទៅភាគីទាំងសងខាង។ លោកបាននិយាយបន្តថា បញ្ហាដែលគួរតែមានការសហការរវាងភាគីទាំង ២ មានដូចជាការដោះស្រាយបញ្ហាការប្រែប្រួលអាកាសធាតុ និងការប្រយុទ្ធប្រឆាំងនឹងជំងឺរាតត្បាតកូវីដ ១៩។
សហរដ្ឋអាមេរិកនិងចិនមានការទាស់គ្នាទៅលើបញ្ហានៅក្នុងតំបន់ឥណ្ឌូ-ប៉ាស៊ីហ្វិក ការអនុវត្តសេដ្ឋកិច្ចរបស់ទីក្រុងប៉េកាំង ហុងកុង តៃវ៉ាន់ និងបញ្ហាសិទ្ធិមនុស្សនៅក្នុងតំបន់ស៊ីនជាំង ប្រទេសចិន៕