កាលពីថ្ងៃសៅរ៍ ទី ២៧ មីនា ប្រទេសចិន និងអ៊ីរ៉ង់ បានចុះហត្ថលេខាលើកិច្ចព្រមព្រៀងសហប្រតិបត្តិការរយៈពេល ២៥ ឆ្នាំ រវាងសម្ព័ន្ធមិត្តទាំង ២។
រដ្ឋមន្ត្រីការបរទេសចិន លោក Wang Yi និងប្រធានាធិបតីអ៊ីរ៉ង់ លោក Hassan Rouhani បានជួបគ្នាមុនការចុះហត្ថលេខាលើកិច្ចព្រមព្រៀងនេះ ដែលរួមបញ្ចូលការវិនិយោគរបស់ចិននៅក្នុងវិស័យសំខាន់ៗដូចជាថាមពល និងហេដ្ឋារចនាសម្ព័ន្ធ។
លោក Saeed Khatibzadeh អ្នកនាំពាក្យក្រសួងការបរទេសអ៊ីរ៉ង់បាននិយាយថា ឯកសារនេះ គឺជាផែនទីបង្ហាញផ្លូវសម្រាប់កិច្ចសហប្រតិបត្តិការពាណិជ្ជកម្មសេដ្ឋកិច្ច និងដឹកជញ្ជូនដោយផ្តោតជាពិសេសទៅលើវិស័យឯកជនពីភាគីទាំង ២៕