.jpg)
ប្រធានក្រុមប្រឹក្សាច្បាប់នៃទីក្រុងហុងកុងលោក Kong Andrew Leung លោកថ្លែងការសារព័ត៌មានកាលពីថ្ងៃទី ៣០ មីនា។ AFP
កាលពីថ្ងៃអង្គារ ទី ៣០ មីនា សភាចិនបានឯកភាពជាឯកច្ឆន្ទលើផែនការកំណែទម្រង់ប្រព័ន្ធបោះឆ្នោតរបស់ហុងកុង។ គណៈកម្មាធិការអចិន្ត្រៃយ៍សភាតំណាងប្រជាជនជាតិបានអនុម័តផែនការនេះ ដោយមានសំឡេងគាំទ្រ ១៦៧ សំឡេង។
គណៈកម្មាធិការបោះឆ្នោតនឹងជ្រើសរើសតំណាង ៤០ នាក់ ដែលគណៈកម្មាធិការគាំទ្រក្រុងប៉េកាំង អាចទុកចិត្តដោយមិនរាប់បញ្ចូលសមាជិកក្រុមប្រឹក្សាស្រុកទៀតទេ។ កាលពីមុនសមាជិកពាក់កណ្តាលនៃសមាជិកទាំងអស់ត្រូវបានបោះឆ្នោតជ្រើសរើសដោយសាធារណៈ។
តាមច្បាប់ថ្មីរបស់ហុងកុងអសនៈនឹងត្រូវបង្កើនចំនួនពី ៧០ ទៅ ៩០ អាសនៈ។ ប្រតិភូហុងកុងនៅសភាប្រទេសចិន លោក Tam Yiu-chung បាននិយាយថាមានតែ ២០ អាសនៈតែប៉ុណ្ណោះ ដែលនឹងត្រូវបោះឆ្នោតជ្រើសរើសដោយផ្ទាល់ ដែលចំនួននេះ គឺថយប្រមាណ ១៥ អាសនៈ ។ នេះបើយោងតាមការរាយការណ៍របស់សារព័ត៌មាន France24 ។
អាសនៈចំនួន ៣០ ដែលនៅសេសសល់នឹងត្រូវជ្រើសដោយមណ្ឌលបោះឆ្នោតដែលមានមុខងារជាអង្គភាពដែលតំណាងឱ្យវិស័យជាក់លាក់ និងក្រុមដែលមានប្រវត្តិស្មោះត្រង់ជាមួយទីក្រុងប៉េកាំង៕
