.jpg)
មន្ត្រីម្នាក់សម្លឹងមើលកៅអីទទេរបស់ក្រុមមេដឹកនាំ នៅមុនពួកគេចូលរួមការពិភាក្សាជាចំហរបស់ក្រុមប្រឹក្សាសន្តិសុខអង្គការសហប្រជាជាតិ។AFP
បុរីញូវយ៉ក៖ មហាសន្និបាតអង្គការសហប្រជាជាតិកាលពីថ្ងៃពុធបានបោះឆ្នោតជ្រើសរើសសមាជិកថ្មី ៥ របស់ក្រុមប្រឹក្សាសន្តិសុខនេះ សម្រាប់ឆ្នាំ ២០២១ និង ២០២២ ដោយការប្រជែងនេះកំពុងដំណើរការសម្រាប់អាសនៈលោកខាងលិច និងអាហ្វ្រិក។
ប្រទេសកេនយ៉ា និងជីប៊ូទី កំពុងប្រជែងយកអាសនៈ ១ ខណៈប្លុកលោកខាងលិចមានប្រទេសចំនួន ៣ គឺប្រទេសកាណាដា អៀរឡង់ និងន័រវែស កំពុងប្រជែងយកអាសនៈ ២ ក្នុងចំណោមនោះ។
នៅតំបន់អាស៊ីប៉ាស៊ីហ្វិក ប្រទេសឥណ្ឌា ដែលបានព្យាយាមប្រឹងប្រែងប្រជែងយកអាសនៈ ១ នៅក្រុមប្រឹក្សាសន្តិសុខ មិនបានទទួលជោគជ័យ ក៏បន្តកិច្ចប្រឹងប្រែងថែមទៀត ដើម្បីអាសនៈនេះ ខណៈ ម៊ិកស៊ិក នៅអាមេរិកឡាទីន និងតំបន់ការីប៊ីន កំពុងប្រឹងប្រែងដែរ។
ប៉ុន្តែទ្វីបអាហ្វ្រិកបានខកខានមិនបានបន្តប្រពៃណីរបស់ខ្លួនក្នុងការសម្រេចជ្រើសរើសបេក្ខជននៅក្នុងចំណោមពួកគេដោយរៀបចំវេទិកាសម្រាប់ការធ្វើតេស្តកាលពីថ្ងៃពុធ។
ប្រទេសកេនយ៉ា បានសម្តែងការគាំទ្រដល់សហភាពអាហ្វ្រិក (AU) ប៉ុន្តែប្រទេសជីប៊ូទី បាននិយាយថា ខ្លួនគួរតែមានអាសនៈនេះ ដោយសារប្រទេសណៃរ៉ូប៊ី បានចូលរួមក្រុមប្រឹក្សានេះ កាលពីពេលកន្លងទៅ និងមានគោលការណ៍ប្តូរវេន។
ប្រទេសជីប៊ូទី និយាយភាសាបារាំង និងកេនយ៉ានិយាយភាសាអង់គ្លេស កំពុងបង្ហាញតួនាទីរបស់ពួកគេក្នុងការស្វះស្វែងរកសន្តិភាពទី្វបអាហ្វ្រិក និងការចូលរួមចំណែករបស់ពួកគេក្នុងជម្រើសរក្សាសនិ្តភាព UN។
ប្រទេសកេនយ៉ា បានបង្ហាញពីការស្វាគមន៍ ចំពោះជនភៀសខ្លួនមកពីប្រទេសសូម៉ាលី និងស៊ូដង់ខាងត្បូង និងការគាំទ្ររបស់ខ្លួនចំពោះរដ្ឋាភិបាលដែលមានការបែកបាក់របស់ប្រទេសទាំង ២ នេះ។
ចំណែកប្រទេសឌីប៊ូទី វិញ បានកំណត់ទីតាំងយុទ្ធសាស្ត្ររបស់ខ្លួន និងតួនាទីសំខាន់ជាមូលដ្ឋានការពារសម្រាប់ប្រទេសផ្សេងៗ ដូចជាបារាំង អាមេរិក ចិន ជប៉ុន និងការចូលរួមចំណែករបស់ខ្លួនក្នុងបញ្ហារបស់ប្រទេសសូម៉ាលី។
សម្រាប់អឺរ៉ុប ការប្រកួតប្រជែងនេះ បានក្លាយជាប្រពៃណីទៅហើយ។
ប្រទេសកាណាដា នៅមានការឈឺចាប់ដោយសារការបរាជ័យនៅក្នុងឆ្នាំ ២០១០ នៅក្នុងអំឡុងកិច្ចប្រឹងប្រែង ដើម្បីទទួលបានអាសនៈនៅក្រុមប្រឹក្សានេះ នៅពេលនោះ មហាសន្និបាតជ្រើសរើសយកព័រទុយហ្គាល់ជំនួសវិញ។
លោកនាយករដ្ឋមន្ត្រី កាណាដា ចាស្ទីន ទ្រូដូ បានវិនិយោគយ៉ាងច្រើននៅក្នុងកិច្ចប្រឹងប្រែងចុងក្រោយរបស់ក្រុមប្រឹក្សាសន្តិសុខ UN ដោយការបរាជ័យនោះធ្វើឲ្យលោកទទួលការអាម៉ាស់ក្នុងប្រទេស។
ដោយបានសង្ឃឹមនឹងអាចបញ្ចុះបញ្ចូលបាននោះ ប្រទេសកាណាដា និងអៀរឡង់ បាននាំយកតារាចម្រៀងស៊ុបភើស្តារនាង Celine Dion ឲ្យច្រៀងនៅក្នុងក្រុងញូវយ៉ក ដើម្បីជួយផ្សព្វផ្សាយកាណាដា នៅអង្គការសហប្រជាជាតិ ខណៈដែល U2 ធ្វើការប្រគំតន្រ្តីមួយក្នុងក្រុមហ៊ុនBig Apple សម្រាប់អៀរឡង់។
លោក Richard Gowan ជាអ្នកជំនាញម្នាក់នៅក្រុមដោះស្រាយវិបត្តិអន្តរជាតិនៃអង្គការពិភពលោកនេះបានថ្លែងនៅលើគេហទំព័រធ្វីធើរថា៖ «យុទ្ធនាការប្រជែងយកអាសនៈនៅក្រុមប្រឹក្សាសន្តិសុខ UN នេះ បានបញ្ចូលការបញ្ចុះបញ្ចូលឥតឈប់ឈរ កម្មវិធីកម្សាន្តផ្សេងៗ និងការព្រួយបារម្ភថា ឯកអគ្គដ្ឋទូតដែលសន្យាថាបោះឆ្នោតឲ្យអ្នកនោះ គឺជាអ្នកភូតកុហក»៕ AFP/PSA
