.jpg)
តារាសម្តែងប្រេស៊ីល Jonathan Azevedo ថតរូបម្តាយរបស់នាងត្រូវបានចាក់វ៉ាក់សាំងកូវីដ ១៩។ AFP
កាលពីថ្ងៃពុធ ទី ៣១ មីនា អាជ្ញាធរសុខាភិបាលប្រេស៊ីលប្រកាសថា បានរកឃើញវ៉ារ្យ៉ង់ថ្មីនៃវីរុសកូវីដ ១៩។ វ៉ារ្យ៉ង់ថ្មីនេះបានរកឃើញនៅក្នុងរដ្ឋសៅប៉ូឡូ (Sao Paulo) ខណៈប្រទេសប្រេស៊ីល កំពុងព្យាយាមឆ្លើយតបនឹងការកើនឡើងនៃករណីវិជ្ជមានកូវីដ ១៩ គួរឱ្យកត់សម្គាល់ខ្ពស់។
ប្រធានវិទ្យាស្ថានជីវសាស្ត្រសាធារណៈប៊ុនតាតាន (Public BuntatanBiomedical Institute) លោក Dimas Covas បាននិយាយក្នុងសន្និសីទកាសែតមួយថា វ៉ារ្យ៉ង់ថ្មីនេះស្រដៀងនឹងវ៉ារ្យ៉ង់នៅអាហ្រ្វិកខាងត្បូង។ លោកបាននិយាយបន្តថា អ្នកជម្ងឺមិនមានប្រវត្តិនៃការធ្វើដំណើរ ឬទំនាក់ទំនងជាមួយអ្នកដំណើរមកពីអាហ្វ្រិកខាងត្បូងឡើយ។
វ៉ារ្យ៉ង់វីរុសនៅអាហ្រ្វិកខាងត្បូងត្រូវបានគេចាត់ទុកថា ចម្លងលឿនជាងវ៉ារ្យ៉ង់ដើម។ វ៉ាក់សាំងកូវីដ Pfizer, Moderna និង AstraZeneca ត្រូវបានគេរកឃើញថា មិនសូវមានប្រសិទ្ធភាពប្រឆាំងនឹងវ៉ារ្យ៉ង់នៅអាហ្វ្រិកខាងត្បូងនេះឡើយ៕
