The Phnom Penh Post Search

Search form




Logo of Phnom Penh Post newspaper Phnom Penh Post - ប្រទេស​មហាអំណាច​ពិភពលោក ​ចាំបាច់​ត្រូវ​បញ្ជាក់​អះអាង​ចំពោះ​ គីម ជុងអ៊ុន​ជា​ថ្មី

ប្រទេស​មហាអំណាច​ពិភពលោក ​ចាំបាច់​ត្រូវ​បញ្ជាក់​អះអាង​ចំពោះ​ គីម ជុងអ៊ុន​ជា​ថ្មី

Content image - Phnom Penh Post
ប្រធា​នាធិបតីកូរ៉េ​ខាងត្បូង​លោកមូន ជេអុីន (ស្តាំ) និយាយជាមួយ ​CEO នៃ​ក្រុម​ហ៊ុន Air Liquide លោក​ Benoit Potier នៅក្រុងប៉ា​រីស​។ AFP

ប្រទេស​មហាអំណាច​ពិភពលោក ​ចាំបាច់​ត្រូវ​បញ្ជាក់​អះអាង​ចំពោះ​ គីម ជុងអ៊ុន​ជា​ថ្មី

ក្រុងប៉ារីសៈ ប្រធានាធិបតី​កូរ៉េខាងត្បូង​លោក​មូ​ន ជេអ៊ី​ន កាលពី​ថ្ងៃ​ចន្ទ បាន​ថ្លែង​ថា ក្រុម​ប្រទេស​មហា​អំណាច​ពិភពលោក​ចាំបាច់​ត្រូវ​បញ្ជាក់​អះអាង​ចំពោះ​មេ​ដឹកនាំ​កូរ៉េខាងជើង​លោក​គីម ជុងអ៊ុន ជា​ថ្មី​ថា លោក បាន​សម្រេច​ចិត្ត​ត្រឹម​ត្រូវ​ក្នុង​ការ​ប្តេជ្ញា​លុប​បំបាត់​អាវុធ​នុយក្លេអ៊ែរ​នៅ​លើ​ឧបទ្វីប​កូរ៉េ។

លោក​មូ​ន ដែល​បាន​ជួប​លោក​គីម ជុង-អ៊ុន ៣ ដង ក្នុងឆ្នាំនេះ បាន​ពាំ​នាំសារ​នេះ​ទៅជូន​ប្រធានា​ធិបតី​បារាំង​លោក​អេម៉ានុយអែល ម៉ា​ក្រុង នៅ​ក្នុង​ក្រុង​ប៉ារីស​កាល​ពី​ថ្ងៃ​ចន្ទ ជា​ផ្នែក​នៃ​ដំណើរ​ទស្សនកិច្ច​នៅ​អឺរ៉ុប​រយៈពេល ៧ ថ្ងៃ ដែល​នឹង​ឈប់​នៅ​ក្រុង​រ៉ូម ប្រ៊ុចសែល និង​កូប៉ែនហាក។

នៅក្នុង​ការអធិប្បាយ ដែល​ត្រូវបាន​បោះពុម្ពផ្សាយ ជា​ភាសា​បារាំង​លោក​មូ​ន បាន​ថ្លែង​ប្រាប់​កាសែត Le Figaro ថា លោក​គីម ជុង​អ៊ុន បាន​សម្តែង​ការមិន​សប្បាយ​ចិត្ត​ចំពោះ​ការបន្ត​សង្ស័យ​ចំពោះ​សហគមន៍​អន្តរជាតិ​នៅ​ក្នុង​អំឡុង​កិច្ច​ពិភាក្សា​របស់​ពួកគេ​នោះ។

លោក​មូ​ន បាន​បន្ថែមថា៖ «យើង​ត្រូវតែ​បញ្ជាក់​អះអាង​ចំពោះ​លោក​គីម ជុង​អ៊ុន​ជាថ្មី​ថា លោក បាន​ធ្វើការ​ជ្រើសរើស​ត្រឹម​ត្រូវ​នៅ​ក្នុង​ការ​លុប​បំបាត់​អាវុធ​នុយក្លេអ៊ែរ​និង​ត្រូវការ​គាំទ្រ​ដល់​បំណង​ប្រាថ្នា​របស់​លោក​ចង់​បាន​សន្តិភាព​រឹង​មាំ និង​យូរអង្វែង។

លោក​មូន ដែល​បាន​ជួប​មេដឹកនាំ​កូរ៉េខាងជើង​កាល​ពី​ខែ​មេសា ឧសភា និង​ខែ​កញ្ញា បាន​ចូលរួម​ក្នុងការ​សម្រប​សម្រួល​ជំនួប​កំពូល​ជា​ប្រវត្តិសាស្ត្រ​មួយ​នៅ​ក្នុង​ប្រទេស​សិង្ហបុរី រវាង​ប្រធានា​ធិបតី​អាមេរិក​លោក ដូណាល់ ត្រាំ និង​លោក​គីម ជុងអ៊ុន កាល​ពី​ខែ​មិថុនា ប៉ុន្តែ​អ្នក​វិភាគ​ខ្លះ​ជឿ​ថា មេដឹកនាំ​កូរ៉េខាងជើង នេះ បាន​ទាម​ទារ​ឲ្យ​បញ្ចប់​ភាព​អរិភាព នៅ​លើ​ឧបទ្វីប​កូរ៉េ៕

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។