.jpg)
ក្រុងឌូបៃៈ ប្រព័ន្ធផ្សព្វផ្សាយរដ្ឋបាននិយាយថា ប្រទេសអារ៉ាប់រួមបានប្រកាសបេក្ខភាពរបស់ខ្លួនសប្រាប់អាសនៈមិនអចិន្ត្រៃយ៍មួយនៅក្រុមប្រឹក្សាសន្តិសុខអង្គការសហប្រជាតិសម្រាប់អាណត្តិ២០២២-២០២៣។
នៅខែមិថុនាឆ្នាំ២០២១ មហាសន្និបាតUNនឹងជ្រើសប្រទេសសមាជិកចំនួន៥ដើម្បីបម្រើការនៅក្រុមប្រឹក្សានេះ ដែលមានសមាជិកមិនអចិន្ត្រៃយ៍សរុបចំនួន១០ ដែលបម្រើការអាណត្តិ២ជាប់ៗគ្នា។
លោករដ្ឋមន្ត្រីការបរទេស Sheikh Abdullah bin Zayed Al Nahyan បានថ្លែងនៅក្រុងញូវយ៉កថា៖«ប្រទេសរបស់ខ្ញុំនឹងអនុវត្តតាមវិធានការនិងគោលការណ៍ដូចគ្នានៅពេលដែលខ្លួនត្រូវបានជ្រើសរើសឲ្យចូលរួមរក្សាសន្តិភាពនិងសន្តិសុខអន្តរជាតិជាមួយសមាជិកនៃក្រុមប្រឹក្សានេះ»។
លោកបានថ្លែងថា៖«យើងអះ អាងថាប្រទេសអារ៉ាប់រួមនឹងធ្វើការដោះស្រាយបញ្ហាសំខាន់ៗដែលប្រទេសនានាកំពុងប្រឈមនោះ»៕ PSA
