កាលពីថ្ងៃពុធ ទី ៧ មេសា ប្រទេសអូស្ត្រាលី បានប្រកាសថា នឹងស្នើសុំវ៉ាក់សាំងកូវីដ ១៩ របស់ AstraZeneca ចំនួនជាង ៣ លានដូស។
នាយករដ្ឋមន្ត្រីអូស្ត្រាលីលោក Scott Morrison មាន ប្រសាសន៍ថា ប្រសិនបើសហភាពអឺរ៉ុបឥឡូវនេះ បង្ហាញពីឆន្ទៈរបស់ខ្លួនក្នុងការនាំចេញវ៉ាក់សាំងកូវីដ ១៩ លោកនឹងស្នើសុំវ៉ាក់សាំងម្តងទៀត ដែលមានចំនួន ៣,១ លានដូស។
ចំនួន ៣,១ លានដូស ត្រូវបានគ្រោងនឹងទៅដល់ប្រទេសអូស្ត្រាលី នៅចុងខែមេសា។ លោកក៏បាននិយាយថា សហភាពអឺរ៉ុបធ្លាប់ស្នើឱ្យអូស្ត្រាលីដកពាក្យសុំលិខិតអនុញ្ញាតនាំចេញវ៉ាក់សាំង។ នេះបើតាមការរាយការណ៍របស់សារព័ត៌មាន Channel News Asia។
កាលពីខែមុន សហគមន៍អឺរ៉ុបបានរារាំងការដឹកជញ្ជូនវ៉ាក់សាំងរបស់ក្រុមហ៊ុន AstraZeneca ចំនួន ២៥០ ០០០ ដូស ទៅអូស្ត្រាលីដោយលើកឡើងពីកង្វះវ៉ាក់សាំងនៅអឺរ៉ុប៕