.jpg)
កងកម្លាំងពិសេសរបស់អេហ្ស៊ីប ក្នុងអំឡុងពេលធ្វើសមយុទ្ធយោធា។ AFP
ក្រុងគែរ៖ កងកម្លាំងប្រដាប់អាវុធនៅប្រទេសអេហ្ស៊ីប បានប្រកាសកាលពីថ្ងៃអាទិត្យថា ការធ្វើសមយុទ្ធយោធារួម ៦ ប្រទេសហៅថា«Sword of Arabs» បានចាប់ផ្តើមធ្វើឡើង នៅមូលដ្ឋានយោធាធំជាងគេបំផុតនៅក្នុងប្រទេសអេហ្ស៊ីប មួយនេះ។
អ្នកនាំពាក្យមន្ត្រីរបស់កងកម្លាំងប្រដាប់អាវុធប្រទេសអេហ្ស៊ីប គឺលោក តាមើរ អាល់-រីហ្វៃ ដែលបានបង្ហោះឃ្លីបវីដេអូខ្លីមួយ បង្ហាញអំពីផ្នែក មួយនៃការធ្វើសមយុទ្ធរួម (Sword of Arabs) នៅលើគេហទំព័រហ្វេសប៊ុកផេកផ្លូវការរបស់កងកម្លាំងប្រដាប់អាវុធប្រទេសអេហ្ស៊ីប។
សេចក្តីថ្លែងការណ៍មួយបានចេញផ្សាយដោយកងកម្លាំងប្រទេសអេហ្ស៊ីប បានឲ្យដឹងថា ការធ្វើសមយុទ្ធយោធានោះ បានចូលរួមដោយប្រទេសអេហ្ស៊ីប អារ៉ាប៊ី សាអ៊ូឌីត ប្រទេសអារ៉ាប់រួម ហ្ស៊កដានី បារ៉ែន និងប្រទេសស៊ូដង់ នឹងធ្វើឡើងបន្តរហូតដល់ថ្ងៃព្រហស្បតិ៍ ខាងមុខនេះ។
សេចក្តីថ្លែងការណ៍នោះ បានបន្ថែមថា ការធ្វើសមយុទ្ធថ្មើរជើងផ្លូវអាកាស និងនាវាជើងទឹក នឹងត្រូវអនុវត្តធ្វើឡើងនៅក្នុងមូលដ្ឋានយោធាមូហា-ម៉េដ ណាហ្គីប នៅខេត្តម៉ាត្រូហ៍សមុទ្រមេឌីទែរ៉ាណេ និងតំបន់មួយចំនួននៃទីបញ្ជាការយោធាភាគខាងជើង។
សេចក្តីថ្លែងការណ៍នោះ បាននិយាយថា ការបណ្តុះបណ្តាល គឺមានបំណងចង់អភិវឌ្ឍ និងពង្រឹងទំនាក់ទំនងយោធា រវាងប្រទេសអេហ្ស៊ីប និងប្រទេសអារ៉ាប់ផ្សេងទៀត ដោយបន្ថែមថា សមយុទ្ធនេះ ត្រូវបានគេចាត់ទុកថា ជាសមយុទ្ធមួយក្នុងចំណោមការធ្វើសមយុទ្ធបច្ចេកទេសដ៏ធំបំផុត ដែលធ្វើឡើងនៅក្នុងពិភពអារ៉ាប់៕ Xinhua/SK
