The Phnom Penh Post Search

Search form




Logo of Phnom Penh Post newspaper Phnom Penh Post - ប្រទេស ​ក្រិក ​ស្នើសុំ​​ឲ្យ​​ណាតូ​គាំទ្រ​កិច្ច​ព្រមព្រៀង​យោធា​តួកគី​ និង​លីប៊ី

ប្រទេស ​ក្រិក ​ស្នើសុំ​​ឲ្យ​​ណាតូ​គាំទ្រ​កិច្ច​ព្រមព្រៀង​យោធា​តួកគី​ និង​លីប៊ី

Content image - Phnom Penh Post
លោក គីរីអាកូស មិតសូតាគិស (ស្ដាំ) នៅក្នុងកិច្ចប្រជុំនៅទីក្រុងអាថែន។ រូបថត AFP

ប្រទេស ​ក្រិក ​ស្នើសុំ​​ឲ្យ​​ណាតូ​គាំទ្រ​កិច្ច​ព្រមព្រៀង​យោធា​តួកគី​ និង​លីប៊ី

ក្រុង​អាថែន៖​ នាយក​រដ្ឋមន្ត្រី​របស់​ប្រទេស ​ក្រិក ​លោក ​គីរីអាកូស​ មិតសូតាគីស​ បាន​ថ្លែង​កាល​ពី​ថ្ងៃ​អាទិត្យ​ថា​ ប្រទេស ​ក្រិក​ នឹង​ស្វះស្វែង​រក​ការ​គាំទ្រ​ពី​អង្គការ​ណាតូ​ នៅ​ឯ​ជំនួប​កំពូល​សម្ព័ន្ធមិត្ត​មួយ​ នៅ​ក្នុង​ទីក្រុង​ឡុងដ៍​នៅ​សប្តាហ៍​នេះ​ បន្ទាប់​ពី​មាន​កិច្ច​ព្រមព្រៀង​យោធា​មួយ ដែល​​ត្រូវ​បាន​ចុះ​ហត្ថលេខា​ដោយ​ប្រទេស តួកគី ​និង​រដ្ឋាភិបាល​ដែល​​ទទួល​ស្គាល់​ដោយ​អង្គការ​សហប្រជាជាតិ​នៅ​​លីប៊ី​នោះ​។​

ប្រធានាធិបតី​តួកគី​លោក​ រ៉េ​សិបតៃ​យីប​ អេរដូហ្គែន​ បាន​ជួប​ជាមួយ​ប្រមុខ​រដ្ឋាភិបាល​បង្រួប​បង្រួម​ជាតិ ​(GNA) ​មាន​មូលដ្ឋាន​នៅ​ទីក្រុង​ទ្រីប៉ូលី​ គឺ​លោក​នាយក​រដ្ឋមន្ត្រី​ ហ្វាយីដ ​អាល់​-សារ៉ាច ​កាល​ពី​ថ្ងៃ​ពុធ​ ដើម្បី​ចុះ​កិច្ច​ព្រមព្រៀង​ស្តីពី​កិច្ច​សហ​ប្រតិបត្តិការ​​សន្តិសុខ ​និង​យោធា​ និង​​សមត្ថកិច្ច​យុត្ថាធិការ​ដែន​សមុទ្រ​ផង​ដែរ។​

យោង​តាម​ប្រេសិត​ពិសេស​របស់​អង្គការ​សហប្រជាជាតិ​លោក​ ហ្គាសសាន់​ សាឡាមី​ បាន​ឲ្យ​ដឹង​ថា ​កិច្ច​ព្រមព្រៀង​ទាំង​នោះ​ ត្រូវ​បាន​ធ្វើ​ឡើង​នៅ​ក្នុង​ប្រទេស ​អេហ្ស៊ីប​ និង​ប្រទេស ស៊ីប។​

លោក​ គីរីអាកូស​ មិតសូតាគីស ​បាន​ថ្លែង​នៅ​ក្នុង​សុន្ទរកថា​មួយ​ ទៅ​កាន់​គណបក្ស​ប្រជាធិបតេយ្យ​ថ្មី​របស់​លោក​កាល​ពី​ថ្ងៃ​អាទិត្យ​ថា​៖ «សម្ព័ន្ធមិត្ត​មួយ ​មិន​អាច​មិន​អើពើ​នោះ​ទេ ​នៅ​ពេល​សមាជិក​មួយ​ក្នុង​ចំណោម​សមាជិក​របស់​ខ្លួន ​បាន​បំពាន​ច្បាប់​អន្តរជាតិ ​និង​មាន​បំណង​ធ្វើ​ឲ្យ​មាន​ផល​អាក្រក់​ដល់​សមាជិក​ផ្សេង​ទៀត​នោះ​»​។​

ប្រទេស ​ក្រិក ​កាល​ពី​សប្តាហ៍​មុន​ បាន​សម្តែង​ការ​មិន​ពេញ​ចិត្ត​របស់​ខ្លួន​​ចំពោះ​​កិច្ច​ព្រមព្រៀង​នោះ​ ហើយ​បាន​កោះ​ហៅ​ក្រុម​ឯកអគ្គ​រដ្ឋទូត​របស់​ប្រទេស ​តួកគី​ និង​លីប៊ី​ប្រចាំ​នៅ​ក្នុង​ប្រទេស ​ក្រិក​ ដើម្បី​សួរ​ព័ត៌មាន​ជុំវិញ​កាតព្វកិច្ច​របស់​ខ្លួន​។​

រដ្ឋមន្ត្រី​ការ​បរទេស​ក្រិក​លោក នីកូស​ ឌែនឌៀស​ កាល​ពី​ថ្ងៃ​អាទិត្យ​បាន​ជួប​ជាមួយ​សមភាគី​អេហ្ស៊ីប​របស់​លោក​ គឺ​លោក​ សាមីហ៍​ ឈូគ្រី ​នៅ​ក្នុង​​ទីក្រុង​គែរ​ ដើម្បី​ពិភាក្សា​អំពី​បញ្ហា​នោះ​ដែរ។​
កិច្ច​ព្រមព្រៀង​នោះ បាន​ធ្វើ​ឡើង​ ទោះបី​ជា​មាន​ការ​កោះ​ហៅ​​ពី​សម្ព័ន្ធ​អារ៉ាប់ ​ដែល​រួម​មាន​​លីប៊ី ​ដើម្បី​បញ្ចប់​កិច្ច​សហ​ប្រតិបត្តិ​ការ​ជាមួយ​តួកគី ​នៅ​ក្នុង​ការ​តវ៉ា​យុទ្ធនាការ​​យោធា​ទ្រង់ទ្រាយ​ធំ​របស់​ខ្លួន​ ប្រឆាំង​កង​កម្លាំង​ឃើដ​នៅ​​ស៊ីរី​ក្តី​៕ AFP/SK

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។